ខគម្ពីរពេញនិយមពី Isáaŋ 15

ចែក​រំលែក

Niŋúɛ inyɛɛ́ indín i pusamɔ́, panɔ́ pikas: ewú unyɛɛ́ apílatán káámɛ niŋúɛ kɛ́ɛ́yɛ́, koómo insamɔ́ táásɛ; kati niŋúɛ niɛlɛ́n puandá na puandá tipá.

Anumbílata aná inúpílatanɛ́ɛ! Yá aná kikas tiányípá kíómo índɛ kítipá kilatán ni indín i pusamɔ́, panɔ́ kákáánɔ́ nutipá kuóm katɛ kumbílatɛ.

Índɛ nusimbílat, nukííka mekélíe máámɛ káánɔ́ kí itɛ́m, puum epú nuɔŋɔnɛ́ Taatɛ́ɛ, weénúékenyi.

Nutipá panúɛ numiíndɔ́pɔ́n, niŋúɛ imɔɔ́nútɔ́pɔ́n, yaanútɔ́m á masɔ́m ɛ́ɛ́ núómo insamɔ́, insamɔ́ sítɔ́pɔnɛ́. Káákáánɛ́ Taatá kaányínúfá epú kitikit nukɔɔ́nyíɔ́ŋɛn wɔ́ káámɛ ɛ́ kisiɛ́n.

Iŋɔyɔ i kutápɔk i sɔ́k weekenyée kusɔ́t kúɛ́yɛ́ ó pusíó pú pekúl pɛ́ɛ́yɛ́ tipá.

Kikas kitikit kínyɛɛ́ káámɛ, kítiómónée, waásúmba kɛ́ɛ; kikas kitikit ekí kínánanɛ́, wɛɛ́lɛŋunɛ kɛ́ɛ ɛ́ɛ́ kíómo peseé.

Kikotí kíámɛ ekie inúfáanɛ́: ɔ́nuɔyɔ́nɛ́n panúɛ na panúɛ aná inúɔ́yɔnɛ́.

Kuómo insamɔ́ kutek nyɛ kumbíéyesi kúánɔ́, kúú kúfáanɛ́ɛ Taatɛ́ɛ nuúmu.

Niŋúɛ inyɛɛ́ indín i pusamɔ́ pú kémuémue. Taatɛ́ɛ unyɛɛ́ muɛ́t pusamɔ́, wɔ́ ukííkanɛ́ pɔ.

Ewú utiányípá alatán káámɛ, Taatá óókoombo wɔ́ ɛlɛɛ́ kikas kiisúmbán, kíkútanɛ́ɛ, pápát kɛ́ɛ póoŋik é yiik, kípika.

«Imánútíán pú ɛ́ɛ́ anyamɔ́ wáámɛ pá káánɔ́, andíkɛ́k ɛ́ɛ́ anyamɔ́ wáánɔ́ pá owóónón.

Índɛ nuɛ́nɛkɛn pikotí píámɛ, nukapá káámɛ kí iŋɔyɔ, yá aná inɛkɛnɛ́ pikotí pí Taatá yoond imbáan kɛ́ɛ́yɛ́ kí iŋɔyɔ.

Yɛɛ́pí káánɔ́ ɛ́ɛ́: Ɔ́nuɔyɔ́nɛ́n panúɛ na panúɛ.»

Nusɔ́tɔ nupá pé kúúsí, kúúsí síɔ́yɔ epú púɔ́pɔninɛ́ wɔ; maná nutipá pé kúúsí: niŋúɛ imaánuátɔ́n nɛ pɛɛnd pé kúúsí, púúpɔ́ pɛɛnd pé kúúsí núfɛmɛnɛ́ɛ.