ខគម្ពីរពេញនិយមពី Luka 8

ចែក​រំលែក

Ŋseŋ ma kwekweɗ ŋ la ma taŋtaŋ ca, a nja ana hejəye ma zləme zlap mala Gazlavay aza ege, ma lamza aza a unaf tata ege kadak kadak, əy la səkan ana maa Gazlavay a kaɗawaw. Əy mbal zlap anta ka, kaw əy kayakza ka askwaw, aya, əy yasl mba ma taŋtaŋ dakala.»

Ŋseŋ ma kwekweɗ ŋ taba jəkeɗ ca, a nja ana hejəye ma zləme zlap mala Gazlavay ege. Cemey, ledeŋ ŋkwaɓ ata səkan ege vedəye, laŋcaɗ ey lanja ma taŋtaŋ ma ŋ manhayak, əy ŋgac zlap anta ma kagal ŋ tata. Ana ebe ŋghe, əy nja ana ndərey ma kember anta.

Hejəye vedəye əy nja ana ŋseŋ ma kwekweɗ ŋ la ŋkəɗaŋ. Əy zləme zlap mala Gazlavay ca, əy lamza a sasam. Cemey, əy kéheɓ slaslalay askwaw. Əy lamza ata walaŋ cekuɗe ende. Mada gef káslanzata ca, əy yakza zlap anta ka.

Aya, a zlepetene ŋ madarlaŋw anta ege wese, a ŋgaya: «Hune lemzekey ŋ unaf ŋkune səkwaw ca, ŋ vay?» A təwse, əy kálalak tata dakala mambaza, əy kedeŋ ŋkwaɓ, əy kazlap ŋ taba tata, əy ŋgaya: «Heje ma ene, a zlepetene kaw ŋ ata bargadaŋ ey yam, əy nja ka ɗekɗek, əy tehzene zlam ŋghe ca, ara vayay?»

Hejəye vedəye əy nja ana ŋseŋ ma kwekweɗ a mazlam taf. Hejəye anta ege əy zləme zlap mala Gazlavay, cemey malula a ndaha, a ŋtetene ma ma ŋ unaf tata wese ege aza, ŋ takata aka ŋ lamza ma anta səkwaw, ndar əy ɗaw ŋ reh tata səkwaw.

Səkan maɓahaɓah ege tewtew əy naghwalaha aza a bəza. A zeney, səkan ege tewtew maa hejəye əy kasan səkwaw ca, əy naghwalaha aza a bəza, əy nasan tata.

Maa wala wese, a gəre Yesu kásan aza mbəy ma ca ra a heɗe wese ca, a gəre ca, mbəy kula ŋ ɓahza ha anta zeney səkwaw. Aya, tel a ndaha ara Yesu, a kanana, a ndav asa ŋgas anta. A ghwelzene a tama hejəye tewtew, ma anta ma daza ŋ ca ra a heɗe ey maa a reh anta ŋ dawar wese anta, a təwse a təwse. Aya, Yesu a zlepene, a ŋgaya: «Həla naka, hwa kéreh ŋkwa mavəday maa hwa kélemzekey aza a unaf ŋkwa, nda a zəhay.»

Aya, madarlaŋw anta ege wese, əy zenha mbermber ara mbe, əy fəɗahza, əy zlepene, əy ŋgaya: «Madakal, Madakal, heje kakuɗap ŋtakwaw!» A təwse ca, a fəɗaha, a bebeczata ata bargadaŋ ey yam ma kahəɓal wese. A təwse a təwse ca, ata bargadaŋ ey yam wese, əy nja ka ɗekɗek.