ខគម្ពីរពេញនិយមពី Lukas 23

ចែក​រំលែក

Yèsus nachal, “Apak, ampon lah ma umnak! Umnak tok umlèng-lèkh ilok rik umteꞌèl doh.” Mèn askah hòj umkod nèglòg Yèsus atèk, dak bil nak umnak umbeba-bes undi untok muꞌa-og nèglòg Yèsus nak.

Dak Yèsus nachal ma rik nak, “Kemën Yék ichal ma hãk, arik doh hãk akal samak Yék èn Tempad Sengõd Tuhan.”

Pas nak rik nak nachal ma Yèsus, “Yèsus, tulong belekh lah che yék, bil Hãk hajadik Rajak!”

Dak Yèsus naꞌèh-éh nòm kuy kènwad Eh, “Apak! Yék iꞌog ruway Yék ma kelòj tikh Hãk!” Dak pas nak Yèsus natèrsèk henèmhum rik sèj-sòj.

Bil umnak umlòy ma tempad rik umkòw “Tempad Chawòng,” mèn askah umpehad pakuk ma Yèsus èn palok salib. Dak umpehad pakuk keꞌjèk ma nar sènꞌòy jèdhad nak èn palok salib wèh, néy sènꞌòy ènlẽng tep Yèsus dak néy sènꞌòy ènlẽng yèl Eh.

Bil ès-is, mad is tok-tok nayeb, dak tok chènglakh. Kenèmbek negerik nak najadik rengah sampéy pukol tigak lèngꞌakh. Bil nak langséh rayak rik nakèrlakh Ruwang Paléng Kudus èn kelòj Dékh Tuhan nacha-chèg najadik nar heléy.

Ketuwe askah Roma rik tèd-ted èn anak nanéh ilok rik nabelakuk. Dak nanak naꞌèhmah ma Allah dak nachal, “Kemën lah sènꞌòy doh tok besalah!”