ខគម្ពីរពេញនិយមពី Luŋ 6

ចែក​រំលែក

Lɔʼɔ-bʉ̂ʼʉ-bə nɔ bɛ kwu, bɔŋ kɔ-Nyii-kə kə́ bɛ məchímbi təmə liʼ-i ghɔ fɛ ndə ĩ gwè tíŋ hə bɔ̌ŋ Klai Jiso Tiekətʉ-yʉʼʉ.

Bʉ̂ʼʉ bieleʼ kie ghʉəʼkə ndə məgìe hə kətʉ-bii fɛ, bʉʼka nuʼ-Nyii bieleʼ gìe hə kətʉ-bii fɛ, nɔ tʉʼ gìe bə buuŋjyu-Nyii nduɔ kətʉ-bii.

Nɔ, ndʉʉ ndə bʉʼʉ kə fí muu, bʉʼʉ nɔ kə kwú, bə tyuu bʉʼʉbə Klai mɔʼɔ. Mbɔ haʼ ndə bə kə bʉ̀nə kóʼhə Klai ndəŋ kwú tíŋ hə bɔ̌ŋ fɔŋ kəghʉəʼ Nyii mbʉ Tie, bəkɔ mbəŋ-yʉʼʉ ghɔ kie məchímbi fefe.

Kə a mə mɛ̀ʼtə yəŋ-mbʉə-kə-a imɔʼ, i kə́ fɔ̀ʼ tʉ bʉ̂ʼʉ fɛ. Bii nɔ kie bə ndə məkɔ́ ŋwɔŋ-yii tʉ Nyii, ndə bʉə ndə bɔ̂ŋ nɔʼ kə kwú, bə bʉ̀nə kóʼhə bɔŋ, ndə məkie məchímbi, ké ŋwɔŋ-yii tʉ ɔŋ inchəŋ ndə mə-kə́-fɔ̀ʼ nubə ndə i bɛ ndyʉndyʉ.

Bʉʼʉ nɔ kínə mbɔ bə nɔʼ kə yí nduɔŋ wo ndə bʉʼʉ kə bɛ yɔŋ bʉʼʉbə Klai mɔʼɔ ndəŋ kətyʉntɔɔnə, mbɔ ghʉəʼkə ndə bʉ̂ʼʉ kə kie ndə məchimbi-yʉʼʉ chʉʼ bɛ njʉnjʉ, mbɔ bʉʼʉ mə leʼ bɛ fʉəhə tʉ bʉ̂ʼʉ fɛ.

Nɔ, mbəŋ-yii ghɔ nɔ lʉ̀ ŋwɔŋ-yii mbɔ bii nɔʼ kwú hə ndə ghʉəʼ-bʉ̂ʼʉ-kə, bɔŋ kə́ chí mbi ndə məyúnə biibə Nyii tíŋ hə bɔ̌ŋ Klai Jiso.

Bʉʼʉ bu ghɔ̀ŋ mbuka ndʉʉmɛ? Bʉʼʉ bu kə́ chìi bʉ̂ʼʉ gɛ̀gɛ̀ mbɔ N̈yii kə́ bìʼ dʉ̀ʼ buuŋjyu yɔ́ŋyɔ́ŋ mɛ? I mə nə bɛ nɔ fɛ! Bəkɔ mbəŋ-yʉʼʉ ndə bʉʼʉ nɔʼ kwú ndə bʉ̂ʼʉ bʉ̀nə kə́ chí mu bʉ̂ʼʉ təka?

Bii kínə mbɔ kaʼ bii kɔ́ ŋwɔŋ-yii tʉ wo ndə məyʉ́ chu-i, təmə bii bɛ fʉəhə-i ndə məyʉ́ chu-i fe? Bəkɔ bii bɛ fʉə tʉ bʉ̂ʼʉ ndə i bu gwè nə kwu byuunɔ bii séʼ ndə məyʉ́ chu-Nyii ndə i bu chìi bii tə́nə ndyʉndyʉ.

Bɔŋ ndɔ tʉ Nyii! Bʉʼka bii nɔ kə fəŋ bɛ fʉəhə tʉ bʉ̂ʼʉ, bii bɔŋ nɔʼ yʉ́ shʉəŋ nə fyiihə-ii inchəŋ te nubə inchəŋ ndə bə kə dàhə bii nə yɔŋ bɔŋleʼ kɔ́ tʉ bii. Bə nɔʼ kə chʉ̀ʼ tʉkə-ii hə ndəŋ bʉ̂ʼʉ, b̈ii bɛ fʉəhə nduɔ ndə məbɛ ndyʉndyʉ tʉ Nyii.