ខគម្ពីរពេញនិយមពី Luŋ 5

ចែក​រំលែក

Nyii bɔŋ nɔʼ dʉ̀ʼ ŋkʉ̂ʉ-i tʉ bʉʼʉ mbɔ, ndʉʉ ndə bʉʼʉ kə bíe mu bʉ̂ʼtə-ʉʼʉ, Klai gwè kwú yie-bʉʼʉ.

Məyʉ́əʼnə-ɔ̄ŋ ndəŋ Nyii mə nə mɔ̀ʼ bʉʼʉ sê fɛ, bʉʼka Nyii nɔʼ véʼ ŋkʉ̂ʉ-i mu fyiihə-ʉʼʉ tíŋ hə bɔ̌ŋ Lyʉʉhəkə-i, ndə bɛ kɔ-Nyii-kə tʉ bʉʼʉ.

Ndə məbìʼ chɔ, tʉʉtə-ʉʼʉ nɔ tʉʼ bʉ̀ʉ mu ŋgʉəʼ-yʉʼʉ ndə bʉʼʉ tʉʼ nyíɛ bʉʼka bʉʼʉ nɔ kínə mbɔ ŋ̃gʉəʼ nɔ chìi wo lyʉ̀ʉtə́nə. Məlyʉ̀ʉtə́nə kə́ chìi nuʼ-yʉʼʉ tə́nə shʉ́əshʉ́ə, nuʼ-yʉʼʉ kə́ chìi bʉʼʉ ndə məyʉ́əʼnə ndəŋ ŋkwaaNyii.

Nɔ, bʉʼka bʉʼʉ nɔʼ bɛ ndyʉndyʉ shʉ-Nyii bʉʼka məmɔʼfyiihə-ʉʼʉ ndəŋ ɔŋ nɔ, bʉʼʉ nɔʼ kie fyiighʉ́ənə bʉʼʉbə Nyii tíŋ hə bɔ̌ŋ Jiso Klai Tiekətʉ-yʉʼʉ. Tíŋ hə bɔ̌ŋ mbəŋ-ɛŋ, bʉʼʉ nɔʼ kie fia ndə məŋíi mu buuŋjyu-ɔ̄ ndə bʉʼʉ tə́nə ndəŋ ghɔ nduɔ nɔ bʉʼka bʉʼʉ mɔ̀ʼfyiihə-ʉʼʉ ndəŋ ɔŋ, tʉʉtə-ʉʼʉ bɔŋleʼ kə́ bʉ̀ʉ bʉʼka məgʉə-Nyii ndə bʉʼʉ yʉ́əʼnə ndəŋ ghɔ ndə i bu yi gwè.

Bʉʼka ndʉʉ ndə bʉʼʉ kə məkwáa ŋwɔŋ-yʉʼʉ fɛ, kʉ̂ʉ bɛ ndə ndʉʉ ndə i kə kʉ̀ʼnə, Klai gwè kwú yie bʉə ndə məchimbi-yʉə gòʼ təmə kə́ kɔ́ kuŋhə tʉ Nyii fɛ.

Bʉʼka bʉʼʉ bɛ ndyʉndyʉ nduɔ shʉ-Nyii tíŋ hə bɔ̌ŋ fɔbʉə-Jiso-kə, ɔ bu kwáa bʉʼʉ ndʉʉmɛ, ntyʉʉ təka ndəŋ tʉʉbʉə-Nyii!

Haʼ ndə bʉə buŋmbi bɛ bʉə-bʉ̂ʼʉ bʉʼka mbyu wo-imɔʼ ndə ɔ chɔ́ʼ chu-Nyii, nɔ bɛ haʼ nɔ ndə bə bu chìi bɔŋ buŋmbi bɛ ndyʉndyʉ shʉ-Nyii tíŋ hə bɔ̌ŋ mbʉ mbyu wo-imɔʼ ndə ɔ̈ yʉ́ chu-Nyii.

Bɔŋ mì yɔŋ nɔ fɛ, tʉʉtə-ʉʼʉ nɔ tʉʼ bʉ̀ʉ bʉʼka nukə ndə Nyii kə fɔ̀ʼ tʉ bʉʼʉ tíŋ hə bɔ̌ŋ Tiekətʉ-yʉʼʉ, Jiso Klai, ndə ɔ nɔʼ lìʼ ntuu-yʉʼʉbə Nyii nduɔ nɔ.