ខគម្ពីរពេញនិយមពី ஆதியாகமம் 39

ចែក​រំលែក

யோசேப்புடன் கர்த்தர் இருந்ததனால், தான் செய்த காரியங்கள் அனைத்திலும் யோசேப்பு வெற்றி பெற்றான். அவன், எகிப்தியனான தனது எஜமானுடைய வீட்டுக்குரிய பணியாளனாயிருந்தான்.

அதனால் அவன் தனக்குள்ள எல்லாவற்றையும் யோசேப்பிடம் ஒப்படைத்து, இவனை அதிகாரியாக நியமித்தான். போத்திபாரோ, தான் உண்ணும் உணவைத் தவிர வேறெதுவும் குறித்து அக்கறை கொள்ளவில்லை. யோசேப்பு நல்ல உடற்கட்டும், அழகிய தோற்றமும் உடையவனாய் இருந்தான்.

அதனால் சிறைக்காவல் அதிகாரி, சிறையில் அடைக்கப்பட்டிருந்த எல்லோரையும் யோசேப்பின் அதிகாரத்தின்கீழ் வைத்தான். அங்கு செய்யப்பட வேண்டிய எல்லாவற்றுக்கும் அவனையே பொறுப்பாகவும் வைத்தான்.

எனவே யோசேப்பின் எஜமான் அவனைக் கைதுசெய்து, அரச கைதிகள் அடைத்து வைக்கப்படும் இடத்தில் அவனைப் போட்டான். ஆனால் யோசேப்பு சிறையில் இருக்கும்போது கர்த்தர் யோசேப்புடனே இருந்தார்; அவர் அவன்மீது நிலையான அன்பு செலுத்தி, சிறைக்காவல் அதிகாரியின் கண்களில் அவனுக்குத் தயவு கிடைக்கச் செய்தார்.

சில நாட்கள் சென்ற பின்னர், போத்திபாரின் மனைவி யோசேப்பின்மீது ஆசைகொண்டு, “என்னுடன் படுக்கைக்கு வா!” என அழைத்தாள். அவனோ அதை மறுத்தான். அவன் அவளிடம், “என் எஜமான் தன் வீட்டிலுள்ள எதைக் குறித்தும் அக்கறை கொள்ளாமல், தனக்குச் சொந்தமாக இருக்கும் அனைத்தையும் என்னுடைய பராமரிப்பில் ஒப்படைத்துள்ளார். இந்த வீட்டில் என்னைவிடப் பெரியவன் ஒருவனும் இல்லை. நீங்கள் அவருடைய மனைவி என்பதால் உங்களைத் தவிர, வேறொன்றையும் அவர் என் பாவனைக்கு உரியதல்ல என விலக்கி வைக்கவில்லை. அவ்வாறிருக்கையில், இவ்வாறான பெரும் தீமையை செய்து, இறைவனுக்கு விரோதமாகப் பாவம் செய்ய என்னால் எவ்வாறு முடியும்?” என்றான்.

இவ்வாறிருக்கையில், ஒருநாள் யோசேப்பு தன் கடமைகளைச் செய்வதற்காக வீட்டுக்குள் போனான். அவ்வேளையில் வீட்டுப் பணியாளர்கள் எவரும் உள்ளே இருக்கவில்லை. அப்போது அவள் யோசேப்பின் மேலாடையால் அவனை வளைத்துப் பிடித்து, “என்னுடன் படுக்கைக்கு வா!” என்றாள். அவனோ தன் மேலாடையை அவள் கையிலே விட்டு, வெளியே ஓடினான்.