ខគម្ពីរពេញនិយមពី யாத்திராகமம் 9

ចែក​រំលែក

ஆனாலும், உன்னை நான் இதற்காகவே உயர்த்தினேன்; என்னுடைய வல்லமையை உன்னில் காண்பித்து, என்னுடைய பெயர் உலகெங்கும் பறைசாற்றப்படவே உன்னை உயர்த்தினேன்.

அதன் பின்னர் கர்த்தர் மோசேயிடம் சொன்னதாவது: “நீ பார்வோனிடம் போய் எபிரேயரின் இறைவனாகிய கர்த்தர் சொல்வது இதுவே: ‘என் மக்கள் என்னை வழிபடுவதற்கு போக விடு.

நான் என் கரத்தை நீட்டி, பூமியிலிருந்து உங்களை முற்றிலும் அழித்துவிடும் கொள்ளைநோய் ஒன்றினால் உன்னையும் உன் மக்களையும் அடித்திருக்கலாம்

வயல்வெளிகளிலுள்ள உங்கள் குதிரைகள், கழுதைகள், ஒட்டகங்கள், மந்தைகள், செம்மறியாடுகள், வெள்ளாடுகள் ஆகிய அனைத்து கால்நடைகள்மீதும் கொடிய வாதையை கர்த்தருடைய கரம் கொண்டுவரும். இஸ்ரயேலருடைய கால்நடைகளுக்கும், எகிப்தியருடைய கால்நடைகளுக்கும் இடையில் கர்த்தர் வேறுபாடு உண்டாக்குவார். அதனால் இஸ்ரயேலரின் மிருகங்களில் ஒன்றேனும் இறக்காது’ என்று அவனுக்குச் சொல்” என்றார்.

ஆதலால் நாளை இதே நேரத்தில், எகிப்து நாடு உண்டானது முதல் இன்றுவரை அங்கே ஒருபோதும் பெய்திராத கடுமையான ஆலங்கட்டி மழையை அனுப்புவேன். ஆகையால், இப்பொழுதே உன் கால்நடைகளையும், வயல்வெளியிலிருக்கும் உனக்குச் சொந்தமான மற்றைய யாவற்றையும் ஒரு பாதுகாப்பான இடத்துக்குக் கொண்டுவரும்படி உத்தரவு கொடு. ஏனெனில் உள்ளே வராமல் வெளியிலிருக்கும் ஒவ்வொரு மனிதன்மீதும், மிருகம்மீதும் ஆலங்கட்டி மழை பெய்து, அவர்கள் இறந்து விடுவார்கள்’ என்று சொல்” என்றார்.

அது எகிப்து நாடு முழுவதிலும் தூசியாகி, நாடெங்குமுள்ள மனிதர்கள்மீதும், மிருகங்கள்மீதும் எரிவுண்டாக்கும் கொப்புளங்களை உண்டாக்கும்” என்றார். அவ்வாறே அவர்கள் சூளையிலிருந்து சாம்பலை அள்ளிக்கொண்டு போய் பார்வோனுக்கு முன் நின்றார்கள். மோசே அதை ஆகாயத்தை நோக்கி வீசினான். உடனே மனிதர்மீதும் மிருகங்கள்மீதும் எரிவுண்டாக்கும் கொப்புளங்கள் உண்டாயின.