ខគម្ពីរពេញនិយមពី Yohana 14

ចែក​រំលែក

“A̱m be̱sske̱ no u'yo̱ro. I yo̱ru ri a̱m ne̱in no. Za ho̱da̱n an copun yanda̱ha̱n ta ne̱e̱t a̱m ne̱e̱tin no da. A de̱bc naa la no da. An hong la ta̱m v'gel da.

Ye̱so zeta bo̱ o, “I mi a̱n rein k'le̱ve̱. I mi a̱n rein m'ga̱u. I mi ta̱m a̱n rein u'po̱to. Noc za un tu hav baa K'Ceto da a za u gabka m da.

Ye̱so zek an la̱a̱s baa ru, “A de̱bc naa la no da. Bat na d'ba̱t baa Na'Sila̱, a̱n bat ta̱m d'ba̱t baa ri.

Ka D'Se̱e̱te̱ la, un rein Hora̱mda̱n zattin ri d'reb da, un Cetok ka̱n coma a̱n dind ri, tu la̱a̱sa̱ no c'rihi kwe̱. U bakasa ta̱m no rihica̱n a̱m ve̱ce̱in no kwe̱.

Koowe̱ a̱n kabin giiras ri, u gab ta̱m sa̱, i unwa a̱n reina̱n to̱nc ri. Koowe̱ ta̱m a̱n to̱nin me, Cet me tu to̱n la o. Mi ta̱m ta̱'m to̱n o, a̱m kwesa o ta̱m hid ri.”

Mi ta̱m ta̱'m kon K'Ceto u comtva no Ka D'Se̱e̱te̱ uhyan, un tu boro baa no d'kala. I Hora̱mda̱n zattin ri d'reb da, da̱ m'ga̱u. An copun yanda̱ha̱n a ta kab da̱ da. I rema̱n a ta he̱n da̱ alla a nap ta̱m da̱ da. Nwaa la a̱n napk da̱, rema̱n da̱ el a'soot baa no. Da̱n boro ta̱m a̱nmi baa no.

Kooye̱ ta̱m a̱n ta̱n kon a̱n dind ri, ta̱'m ne̱e̱ no inya. I bat Cetok ka̱n kab k'gwin rem Waa. Kooye̱ a̱n konin a̱n dind ri, ta̱'m ne̱e̱ no.

“Awaz a̱n el a̱n to̱nc ri, ta̱n gab giiras ri.

A̱n buu Cet me, kurc el hwe̱di. Awaz be̱ za taanl da, lawabe̱ m ve̱ce̱ke̱ no. Ta̱'m hav a̱m me̱mge̱ no d'baa.

Am hav a̱m me̱mgske̱ no d'baa, ta̱'m vaaka a̱m o̱m no. I bat va̱na̱n m reine, nwaa ta̱m ta̱n soot a̱n a̱n'a.

Toma zeta bo̱ o, “Kanubu, ca nap va̱na̱n va hav da. I'Le̱e̱le̱ kaa a̱n ca̱n napt k'le̱ve̱?”