ខគម្ពីរពេញនិយមពី Yohana 15

ចែក​រំលែក

“I mi a̱n rein ceun anab. I nwaa a̱n rein s'za̱ta̱. Koowe̱ a̱n rein a'dap a̱nmi, mi ta̱m a'dap a̱n un, tu mat yaan hwe̱di. A ta̱n la̱a̱ a̱n em rihi a za a min da.

Soot na a'dap a̱nmi, mi ta̱m a'dap a̱n nwaa. Ho̱da̱na̱n za̱ta̱v zatin va̱n mat yaan a̱n hid va̱ da, a za a̱v el a'dap a̱n ceun anab da, i ho̱da̱n lo bo̱ ta̱ma̱, nwaa a ta̱n la̱a̱ a̱n mat da, a za an el a'dap a̱nmi da.

An soot a̱nmi baa ri, lalks ri ta̱m a̱nmi baa no, rina̱n a̱n to̱nin kwe̱ an kon A'Sila̱, ta ema no inya.

Za nwaa a̱n dagin m da. I mi a̱n dagin no. A̱m de̱lk ta̱m no a̱n hav a̱n mat yaan hwe̱di, yaan no mal ta̱ma̱. Kooye̱ kaa a̱n ta̱n kon K'Ceto a̱n dind ri, tu ne̱e̱ no inya.

“To̱nc za ca̱n hatin o̱p ca̱ha̱n da. Noc cod hid ru rema̱n baran ru.

Kooye̱ za̱tva a̱n rein a'dap a̱nmi va̱n zain ta̱'v mat yaan da, tu gedanna va̱. Kooye̱ za̱tva va̱n rein va̱n mata, tu se̱pa̱l va̱ bat ta̱'v pisa̱ a̱v sud u'mato.

Go̱t ha̱n giira ri. To̱n na hyannanon ho̱da̱na̱n m to̱ntin no.

I taanl a̱n Cet me tu kumt k'gwin, an mat yaan hwe̱di. I taanl in ti kwesata az i nwaa an la̱a̱s baa ri.

Ye̱so zeka ta̱m an la̱a̱s baa ru, “I mi a̱n rein ceun anab u m'ga̱u. Cet me a̱n rein kac'go̱te.

Awaz noc ta soot a̱nmi baa ri da, u el ho̱da̱n za̱tva̱n na gedannain va̱ ho̱o̱, na bono a̱nmin hwela v tok kwe̱.

A̱m ve̱ce̱ke̱ no rihica̱ ha̱n bat goon za̱ngkta̱ca̱ m ciini, ca̱n soot a̱nmi baa no, za̱ngkta̱c no em ta̱m hwe̱di.

An gab giiras ri, ta̱'m to̱n no, ho̱da̱na̱n m gabtin giiras Cet me, a el la a̱n to̱nc ri.

Go̱t ha̱n giirauna̱n m ke̱in no: to̱n na hyannano.

An la be̱ an copun yanda̱hna, an copun yanda̱ha̱n ta to̱n be̱ no ho̱d a na̱. Ai retin la a̱n za an copun yanda̱ha̱n da, i mi a̱n dagin no baa an copun yanda̱hna, i rina̱n de̱lin bo̱ an copun yanda̱ha̱n ha̱lt no.