ខគម្ពីរពេញនិយមពី ယိၤဟၣ် 16

ចែក​រំលែក

ယ​ဒီ​ဆး​သံ တဲၤ​အ​ယဳၤ​တ​စီာ်​စာ်​ဘိ​ထဲၢ်​သံ​က​နံၤ​ဘဲာ်​ပီၢ် တဲၤ စဳး​တဲၤ​ချံး ဒဳ​သံ​အီၣ်​ယ​ပူၤ​အ​စဲ​နဳၤ. သံ က​ခး​ဘဲာ်​ကီ​တဲၤ​ပၤ​တဲၤ​ဆဲ ဒဳ လၢ် ခဳး​အ​ခဳး​ယဳၤ. ပ​ရၤ​ဆါ, ခူ​ဟဲ​ပီၢ်. ယ​နဳၤ​ယ​ပဲၤ ထဳ​လၢ်​ခဳး,” စ​ဒီၣ်​လၢ်​ဝၤ​တ​စီာ်​ဓဳၤ.

ပ​ရၤ​ဆါ စဲာ်​ထဲၢ်​တဲၤ​တၱၢ်​တၤ​မှး​အ​သး​စါ​ထံ​က​လ့ၤ​ကဲၤ တ​ပျာ်​နဳၤ, စ​က​ဒီ​ဆး​လဳ​ကီ​သံ​က​ဘၱာ်​စဲာ်​အ​တဲၤ​တၱၢ် တၤ​မှး. မၤ​နဲၢ်​ဒဳၣ်, တ​ဘဲာ်​စ​က​ယၱၢ်​ဘဲာ်​ဒဳ​စ​ဖျူ​စ​သ​ရ့ာ် အ​ပူၤ​နီး, မၱာ်​ဒဳ တဲၤ​ထဲၢ်​စ​သၱာ်​ဟဲ​ဘဲာ်​ကၱာ်​ထဲၢ်​အ​က​ဖၱ ထာ်​ဘဲာ်​တ​စီာ်​နဳၤ.

ထိ​ခဳ​နူၤ​ယဳၤ, သံ​တ​တၤ ကဲၤ​တဲၤ​ဒဳ​ယ​မံၤ အ​ပူၤ​တ​မံ​နှၱ​နီး. တၤ​ပီၢ်, သံ​က​နံၤ​ဘဲာ်​ကီ ကၱာ် သံ တဲၤ​သး​က​နၢ်​အံာ်​က​ပ့​ထာ်​ကီ.

ပ​ရၤ​ဆါ, ယ​ဒီ​ဆး​သံ​တဲၤ​တၱၢ်​တဲၤ​မှး, သံ​နံၤ​ခံ အ​က​အဲး ဒဳၣ်​ချဳ​မၱာ်​ယ​က​ဟဲး ပၢ်​သံ. ယ​က​တ​လ့ၤ​မၤ​နီး​ဒဳၣ်, အ​မဲၤ​ဇဳၤ​တဲၤ​တ​ပွဲၤ က​တ​လ့ၤ​ထၱး​တ​ပွဲး​သံ​နီး. မၱာ်​ယ​က​လ့ၤ​မၤ​ဒဳၣ်, ယ​က​သ​ဓဳ​လ့ၤ​တ​ပွဲး​စဲာ်​ဒဳ​သံ အီၣ်​နဳၤ. စ​က​လ့ၤ ဝှါ​တ​ပျာ်​နဳၤ, စ​က​မဲၤ​လှၱ​ထာ်​ကီ​လၢ်​ခဳး​ဖဳး​တ​စီာ်​အ​တဲၤ စာ်​ထၱး​အ​ဘဲာ်​ကၠး​တဲၤ​ခီၣ်​ဝဲၤ​အ​ဝၱၤ​အ​ကဲ, တဲၤ​တၱၢ်​တဲၤ မှး​အ​ဝၱၤ​အ​ကဲ ကၱာ်​က​ဘၱာ်​စဲာ်​အ​တဲၤ​စံး​ရး​အ​ဝၱၤ​အ​ကဲ.

သံ​နဳၤ, သံ​အဳး​သဳး​အဳး သး​ဘဲာ် ခဳ​နူၤ​ယဳၤ, ပ​ရၤ​ဆါ​ယ​က​စာ်​ထၱး​သံ​တ​ပျာ်​ပ့ၤ, ကၱာ် သံ​သး​တ​မဲ က​သး​လဳၢ်​သး​လၤ​အံာ်​ကီ​ကၱာ် ပၠၤ​က​တ​ဖၱး​ကဲ​သံ​ဝံၢ်​ကီ​သံ​တ​ဗွဲ​နီး. “​ဒဳ​မူၤ​နံၤ​တ​နံၤ​နဳၤ, သံ​က​တ​ဒဲ​ကီ​ယဲၤ တဲၤ​တ​မံ​နီး. ယ​ဒီ​ဆး သံ​အ​တၱၢ်​အ​မှး, သံ​က​တၤ မၤ အ​ပာ်​တဲၤ​တ​မံၤ​မံၤ ဒဳ​ယ​မံၤ​အ​ပူၤ​နဳၤ​ဒဳၣ်, စ​က​အံာ်​တ​ပွဲး သံ.

ယ​ဒီ​ဆး​သံ​အ​တၱၢ်​အ​မှး, သံ​က​ယဳၤ​က​ဟး ဘဲာ်​ကီ, မၱာ်​လၢ်​ခဳး​ဖဳး​က​သး လဳၢ်​သး​လၤ​အံာ်​ကီ, ကၱာ် သံ​က​အဳး​သဳး​အဳး​သး​ဘဲာ်, မၱာ်​သံ​တဲၤ​အဳး​သဳး​အဳး သး​နဳၤ က​ဘါ​ချဲး​ထာ်​ကီ​တဲၤ​သး​လဳၢ်​သး​လၤ​အံာ်.