ខគម្ពីរពេញនិយមពី ရောမ 4

ចែក​រំលែក

ဝွေꩻ​တ​အွဉ်ႏ​ကုဲင်​ထိုꩻ​တဝ်း ဝွေꩻ​အ​ထာꩻ​ယွုမ်း ဗွေႏ​ဘု​ရာꩻ အ​က​အွဉ်ႏ​ခါ ဂတိ​တောႏ​နဝ်ꩻ သင်ႏ​သ​ရ သꩻ​ယူႏ​မာႏ တ​အဲဉ်​ထဝ်း​သွူ။ ဝွေꩻ​ထာꩻ​ယွုမ်း​နဝ်ꩻ မာꩻ​ဗွေ​ဖေႏ​ဝွေꩻ အာႏ​ရုဲင်ꩻ​တဲင် ဝွေꩻ​အုပ်ꩻ​ထင်ႏ​ဒျာႏ ဗွေႏ​ဘု​ရာꩻ ဂွုဏ်ႏ​တောႏ​သွူ။ နုဲင်း​ဝွေꩻ​ဗွေ က​အွဉ်ႏ​ခါꩻ​လဲဉ်း ဂတိ​အ​တွိုင်ꩻ​နဝ်ꩻ ဗွေႏ​ဘု​ရာꩻ အီႏ​မာꩻ​ဖေႏ​နွောင်ꩻ​နဝ်ꩻ ဝွေꩻ​ယွုမ်း​မွေး​နေး​စွဉ်ႏ​သွူ။

နုဲင်း​လိတ်ကျမ်ꩻ​က​ရိုꩻ၊ “​နာꩻ​နဝ်ꩻ ခွေ​မာꩻ​ထွာ​လဲဉ်း လိုꩻ​မျိုꩻ​အာ​ဖုံႏ​အ​ဖါ” နုဲင်း​နဝ်ꩻ​သွူ။ နဝ်ꩻ​မꩻ ဂတိ​တောႏ​နဝ်ꩻ အီႏ​တီႏ ဗွေႏ​ဘု​ရာꩻ​ဆꩻ​ငါ​သွူ။ ဗွေႏ​ဘု​ရာꩻ​နဝ်ꩻ​ထွာ အ​ဗြာ​ဟံ က​ယွုမ်း​ဒါႏ​ဘု​ရာꩻ၊ ထွာ​လိုꩻ​အ​က​သီ​လဲဉ်း မာꩻ​ထွိုင်ႏ​မွန်​ဖေႏ ဗွေႏ​ဘု​ရာꩻ၊ ထာꩻ​တ​ပေါႏ​လွဉ်​ဖို​တဝ်း​နဝ်ꩻ မိန်း​ဖေႏ က​ပေါႏ​လွဉ် ဘု​ရာꩻ​ဒျာႏ​သွူ။

ကွပ်​ပွိုး နီ​အ​ပဲစ်​ဖုံႏ​အ​တွက် ဝွေꩻ​ဗွေႏ အပ်​ဖေႏ​ဗာႏ ထာꩻ​သီ​ကို​တဲင် ဖေႏ​နေး နီ​က​စွို့ꩻ​စွဉ်ႏ တွမ်ႏ​ဗွေႏ​ဘု​ရာꩻ​နဝ်ꩻ ဝွေꩻ​ဗွေႏ အ​သက်​နဝ်ꩻ ထွိုင်ႏ​မွန်​ဗာႏ​နဝ်ꩻ​သွူ။

အ​ဗြာ​ဟံ​နဝ်ꩻ အဝ်ႏ​မောင်ꩻ​ခ​ရာႏ အဲဉ်​ထဝ်း​ဒွုမ်​စွဉ်ႏ​တဲ့ ပွိုး​တွော့ꩻ ဝွေꩻ​ယွုမ်း​တဲင် အဝ်ႏ​မောင်ꩻ​ဒျာႏ ဗွေႏ​ဘု​ရာꩻ​နဝ်ꩻ​မꩻ ထွာ​လွဉ်​ဗာႏ၊ “​လိုꩻ​မျိုꩻ​အာ​အ​ဖါ” နဝ်ꩻ​သွူ။ ဗွိုန်နုဲင်း​လိတ်ကျမ်ꩻ က​ရိုꩻ​အ​တွိုင်ꩻ၊ “​နာꩻ​ပို​လီꩻ​စွိုး​ခွိုꩻ​နဝ်ꩻ အီႏ​အာ​နုဲင်း​ဆာႏ” နုဲင်း​နဝ်ꩻ​သွူ။

နဝ်ꩻမꩻ ဗွေႏ​ဘု​ရာꩻ က​အွဉ်ႏ​သေꩻ​ခါꩻ​ဒါႏ အ​ဗြာ​ဟံ​တွမ်ႏ အ​ပို​လီꩻ​စွိုး​ခွိုꩻ​ဖုံႏ ကား​က​အဝ်ႏ ဂတိ​တောႏ​နဝ်ꩻ စံႏ​စာꩻ​ဗာႏ ခြေင်​ခြေင်​ဒျာႏ​ကျောင်ꩻ အာ​မ​ခံႏ​ချက် ဖေႏ​က​အဝ်ႏ​နဝ်ꩻ ဝွေꩻ​ဗွေႏ အွဉ်ႏ​ဒျာႏ ဂတိ​တောႏ အ​ထျꩻ​အ​ထောင်ꩻ အ​ဗြာ​ဟံ ထာꩻ​ယွုမ်း​လောင်း​သွူ။ ဂတိ​တောႏ​နဝ်ꩻ ထွာ​လိုꩻ​က​လွောက်ꩻ​နာႏ ပ​ညတ်​တ​ရာꩻ​သား​လွုမ်ꩻ တ​မွေး​တဝ်း၊ လိုꩻ​က​ယွုမ်း​ဒါႏ နုဲင်း​အ​ဗြာ​ဟံ ထာꩻ​ယွုမ်း​သား​ဖုံႏ နဝ်ꩻ​တဲ့​ပါ​သွူ။ ပွိုး​အ​ဗြာ​ဟံ​နဝ်ꩻ ထွာ​နီ​ကား​က​အဝ်ႏ ဝိ​ညာဉ်ႏ​ရေꩻ​ရာႏ အ​ဖါ​သွူ။

“​လိုꩻ​က​မာꩻ​မာႏ​ထာꩻ​ဖုံႏ​တွော့ꩻ က​လꩻ​ဒါႏ အ​ပဲစ်​လွစ်​ခွင်ꩻ။ လိုꩻ​အ​ပဲစ်​အဝ်ႏ​တွော့ꩻ က​ခံႏ​ဗာႏ ခွင်ꩻ​လွစ်​နဝ်ꩻ မင်္ဂ​လာႏ​အဝ်ႏ​ငါႏ။ လိုꩻ​အ​ပဲစ်​အဝ်ႏ​တွော့ꩻ ဗွေႏ​ဘု​ရာꩻ တ​မတ်​ခါꩻ​တဝ်း​နဝ်ꩻ မင်္ဂ​လာႏ​အဝ်ႏ​ငါႏ” နုဲင်း​နဝ်ꩻ​သွူ။

လိတ်ကျမ်ꩻ နဝ်ꩻ​ရိုꩻ၊ “​အ​ဗြာ​ဟံ​နဝ်ꩻ​ယွုမ်း ဗွေႏ​ဘု​ရာꩻ​တဲင် ကွပ်​ပွိုး ဝွေꩻ​ထာꩻ​ယွုမ်း အ​တွက် ဗွေႏ​ဘု​ရာꩻ​မတ် လ​က္ခံႏ​ဝွေꩻ နုဲင်း​လိုꩻ​စွို့ꩻ​စွဉ်ႏ” နုဲင်း​နဝ်ꩻ​သွူ။