ខគម្ពីរពេញនិយមពី ရောမ 3

ចែក​រំលែក

လိုꩻ​စွုမ်ႏ​ဖြာꩻ​နဝ်ꩻ ထွာ​အ​ပဲစ်​သား​နဝ်ꩻ​မꩻ အဝ်ႏ​ဗွေႏ​ဘု​ရာꩻ ထာꩻ​ကယ်ႏ​တင်ႏ ဆꩻ​ငါ​နဝ်ꩻ ညာꩻ​ထိုꩻ​ဗာႏ​စွဉ်ႏ​သွူ။ ကွဲႏ​တွော့ꩻ စွဉ်ႏ​က​လꩻ​ခြေင်​ဒါႏ ဗွေႏ​ဘု​ရာꩻ ဆု​ကေꩻ​ဇူꩻ​နဝ်ꩻ လိုꩻ​ကား​က​အဝ်ႏ လꩻ​ထာꩻ​စွို့ꩻ​စွဉ်ႏ​ခွင်ꩻ ဝွေꩻ​ဗွေႏ​ထျꩻ​သွူ၊ က​အွဉ်ႏ​စွꩻ​လွစ်​ဖေႏ​ဒါႏ​ဝွေꩻ​သီး​နဝ်ꩻ စွဉ်ႏ​ခ​ရစ်​တောႏ ယေ​သျု​ဒျာႏ​သွူ။

လိုꩻ​ဖုံႏ​က​လꩻ ထာꩻ​စွို့ꩻ​စွဉ်ႏ​ခွင်ꩻ ဗွေႏ​ဘု​ရာꩻ​ထျꩻ​နဝ်ꩻ စွဉ်ႏ​ဝွေꩻ​သီး​ထာꩻ​ယွုမ်း ဗွေႏ​ယေ​သျု ခ​ရစ်​တောႏ​ဒျာႏ​သွူ။ ကွပ်​ပွိုး လိုꩻ​ဖုံႏ ကား​က​အဝ်ႏ​နဝ်ꩻ ဗွိုန်​လို့​ဒျာႏ ဝင်ꩻ​အ​တွက် လိုꩻ​က​ယွုမ်း​ဒါႏ ဗွေႏ​ခ​ရစ်​တောႏ​သား​ဖုံႏ ကား​က​အဝ်ႏ​နဝ်ꩻ ဗွေႏ​ဘု​ရာꩻ မာꩻ​ဗာႏ​နုဲင်း​ယို​နဝ်ꩻ​သွူ။

စွဉ်ႏ​ဝွေꩻ​ဗွေႏ အ​သွီႏ​တောႏ​နဝ်ꩻ ဝွေꩻ​ဗွေႏ အီႏ​မာꩻ​ထွာ​လွဉ် လိုꩻ​က​ယွုမ်း​ဒါႏ ဝွေꩻ​ဗွေႏ​သား​ဖုံႏ ဖေႏ​နေး ဝွေꩻ​သီး​အ​ပဲစ် က​လွစ်​နဝ်ꩻ ဗွေႏ​ဘု​ရာꩻ ပူႏဇောႏ​စွဉ်ႏ ဝွေꩻ​ဗွေႏ​နဝ်ꩻ​သွူ။ ဗွေႏ​ဘု​ရာꩻ က​မာ​ဗာႏ နုဲင်း​ယို​နဝ်ꩻ ဖေါႏနယ်​ဒျာႏ ဝွေꩻ​ဗွေႏ​နဝ်ꩻ စွို့ꩻ​စွဉ်ႏ ကျောင်ꩻနဝ်ꩻ​သွူ။ က​လဲဉ်း​ခိုႏ​ချာ​နဝ်ꩻ ဝွေꩻ​ဗွေႏ​အဝ်ႏ သယ်ꩻ​ခံႏ​တဲင် အဝ်ႏ​ထွား​လွို​ဒျာႏ လိုꩻ​ဖုံႏ​အ​ပဲစ်​သွူ။ ကွဲႏ​တွော့ꩻ ယို​မာꩻ​ငါ ဖေႏ​နေး က​အီႏ​ဖေါႏနယ် ဝွေꩻ​ဗွေႏ စွို့ꩻ​စွဉ်ႏ​ကျောင်ꩻနဝ်ꩻ ဝွေꩻ​ဗွေႏ​အီႏ​ထူႏ​ရေꩻ ဝွေꩻ​သီး​အ​ပဲစ်​ဖုံႏ​သွူ။ ဝွေꩻ​ဗွေႏ​နမ်း​နဝ်ꩻ ထွာ​ထာꩻ​စွို့ꩻ​စွဉ်ႏ​တဲင် လိုꩻ​က​ယွုမ်း ဗွေႏ​ယေ​သျု စွုမ်ႏ​ဖြာꩻ​နဝ်ꩻ မတ်​လ​က္ခံႏ လိုꩻ​စွို့ꩻ​စွဉ်ႏ​ကျောင်ꩻ ဗွေႏ​ဘု​ရာꩻ ဖေါႏနယ် စွဉ်ႏ​အ​နယ်ꩻ​ယို​သွူ။

ပွိုး​လိုꩻ​ဖုံႏ​နဝ်ꩻ စွဉ်ႏ​က​လွောက်ꩻ​နာႏ မာꩻ​လွဉ်ꩻ​ဒါႏ နုဲင်း​ပ​ညတ်​တောႏ က​ဖေါႏနယ်​အ​တွိုင်ꩻ​နဝ်ꩻ တ​ဖြာꩻ​တဲ့ တ​စွို့ꩻ​စွဉ်ႏ​နွောင်ꩻ​တဝ်း ဗွေႏ​ဘု​ရာꩻ ဆꩻ​ငါ​နဝ်ꩻ​သွူ။ နီ​အ​ပဲစ်​အဝ်ႏ​ကျောင်ꩻ ပ​ညတ်​တောႏ ဖေါႏနယ်​နဝ်ꩻ​မꩻ နီ​သေ​သွူ။

နုဲင်း​လိတ်ကျမ်ꩻ က​ရိုꩻ​အ​တွိုင်ꩻ၊ “လိုꩻ​စွို့ꩻ​စွဉ်ႏ တ​ဖြာꩻ​ငါ အဲဉ်​ထဝ်း၊ လိုꩻ​ဉာဏ်ႏ​အဝ်ႏ​သား တ​ဖြာꩻ​ငါ အဲဉ်​ထဝ်း၊ မဉ်ႏ​မွေး​တဝ်း လိုꩻ​က​ဝုဲင်ႏ ကိုꩻ​ကွယ်ႏ​ဒါႏ ဗွေႏ​ဘု​ရာꩻ တ​ဖြာꩻ​ဖြာꩻ အဲဉ်​ထဝ်း​သွူ။ လိုꩻ​ဖုံႏ​ကား​က​အဝ်ႏ အဝ်ႏ​ဗွေႏ​ဘု​ရာꩻ​ထျꩻ​နဝ်ꩻ ခွယ်​ညာꩻ​ထိုꩻ လို့​လဲဉ်း​သွူ။ ဝွေꩻ​သီး ကား​က​အဝ်ႏ​နဝ်ꩻ တ​ဖူꩻ​မာႏ​ထိုꩻ​လို့​လဲဉ်း။ မာꩻ​ထာꩻ​စွို့ꩻ​စွဉ်ႏ တ​ဖြာꩻ​ငါ​တဲ့ အဲဉ်​ထဝ်း​သွူ၊ တ​ဖြာꩻ​ငါ​တဲ့ အဲဉ်​ထဝ်း။

ပွိုး​တွော့ꩻ ပု​ဂ္ဂိုလ်ႏ​တ​ဖြာꩻ က​စွို့ꩻ​စွဉ်ႏ​အီ​တွမ်ႏ ဗွေႏ​ဘု​ရာꩻ​နဝ်ꩻ စွဉ်ႏ​ထာꩻ​ယွုမ်း အာႏ​ကွိုꩻ​လွုမ်ꩻ​တဲင် စွဉ်ႏ​လွောက်ꩻ​နာႏ နုဲင်း​ပ​ညတ်​ကျမ်ꩻ မွေး​တဝ်း​ကျောင်ꩻ နီ​သေ​ဗာႏ​သွူ။

အ​မဲဉ်ႏ​နဝ်ꩻ နုဲင်း​နဝ်ꩻ တ​မွေး​တဝ်း၊ လိုꩻ​ဖုံႏ​ကား​က​အဝ်ႏ​နဝ်ꩻ ထွာ​လိန်ႏ​လဲဉ်​သား လွဉ်း​လွဉ်း စွဉ်ႏ​တဲ့ ဗွေႏ​ဘု​ရာꩻ​နဝ်ꩻ ထွာ​ဗာႏ​ဒျာႏ အ​မဲဉ်ႏ​သွူ။ နုဲင်း​လိတ်ကျမ်ꩻ က​ရိုꩻ​အ​တွိုင်ꩻ၊ “​နီ​ဗွေႏ က​ဒေါ့ꩻ​ထာꩻ​ချိန်ႏ​နဝ်ꩻ နီ​ဗွေႏ အီႏ​အွဉ်ႏ​နယ်​ဗာႏ အ​မဲဉ်ႏ​သွူ။ နီ​ဗွေႏ​က​အဝ်ႏ ကျံႏ​ခေး​ပြဲင်ႏ နီ​ဗွေႏ အ​မု​ချိန်ႏ​နဝ်ꩻ​တဲ့ နီ​ဗွေႏ အီႏ​အောင်ႏ​နွောင်ꩻ​ဗာႏ” နုဲင်း​နဝ်ꩻ​သွူ။