ខគម្ពីរពេញនិយមពី ရောမ 2

ចែក​រំលែក

ကွဲႏ​တွော့ꩻ ခွေ​သွꩻ​ဖုံႏ၊ သီ​က​စီႏ​ရင်ႏ​ဒါႏ ပါꩻ​လင်​အ​မု​ဖုံႏ​နဝ်ꩻ သီ​နမ်း​တဲ့ အဝ်ႏ​မာꩻ​ဒျာႏ ထာꩻ​နဝ်ꩻ​ဖုံႏ ကား​က​အဝ်ႏ​နဝ်ꩻ သီ​ထင်း​ဒျာႏ သီ​အီႏ​သျောင်ႏ​လဲ့​လꩻ ဗွေႏ​ဘု​ရာꩻ ထာꩻ​စီႏ​ရင်ႏ​ဟောင်း။ မဉ်ႏ​တ​မွေး​တဝ်း ဝွေꩻ​ဗွေႏ​က​အွဉ်ႏ က​ရု​ဏာႏ၊ ထာꩻ​သꩻ​ဆွာꩻ တွမ်ႏ​ထာꩻ​သယ်ꩻ​ခံႏ တန်​ငါႏ​နဝ်ꩻ နာꩻ​အဝ်ႏ​သွင်ꩻ​ဖွီ​ဒျာႏ​သွူ။ ဗွေႏ​ဘု​ရာꩻ က​အွဉ်ႏ​ဒါႏ က​ရု​ဏာႏ​နဝ်ꩻ ဖေႏ​က​လꩻ ထာꩻ​ကော့ꩻ​မာႏ ကွပ်​ပွိုး​ဝွေꩻ​ဗွေႏ အဝ်ႏ​ကျိုꩻ​စာꩻ အွဉ်​သီ​ကျောင်ꩻ သီ​အဝ်ႏ​သေ​စဲင်း ဒျာႏ​နဝ်ꩻ​သွူ။

ခွေ​သွꩻ​ဖုံႏ၊ သီ​နဝ်ꩻ စီႏ​ရင်ႏ​ဗာႏ​တွိုႏ လိုꩻ​လင်​ဖုံႏ အ​ပဲစ်​ဟောင်း။ သီ​နဝ်ꩻ ထွာ​ခန်း​စွဉ်ႏ ပါꩻ​မုဲင်ꩻ​တ​ယဝ်း သီ​တ​စီႏ​ရင်ႏ​ဗာႏ​တဝ်း​ဝင်ꩻ၊ သီ​က​စီႏ​ရင်ႏ လိုꩻ​လင်​ဖုံႏ​ချိန်ႏ​ထွူ နုဲင်း​ဝွေꩻ​သီး က​မာ​ဒါႏ​ဖုံႏ​နဝ်ꩻ သီ​တဲ့ အဝ်ႏ​မာꩻ​ဗွိုန်​ဗွိုန်​ဒျာႏ နဝ်ꩻ​မꩻ သီ​စီႏ​ရင်ႏ​ချာ​ဒျာႏ သီ​နမ်း​ဖုံႏ​သွူ။

ဗွေႏ​ဘု​ရာꩻ က​စီႏ​ရင်ႏ​ဒါႏ လိုꩻ​စွုမ်ႏ​ဖြာꩻ​နဝ်ꩻ ပွိုး​စီႏ​ရင်ႏ ဗွိုန်​ဗွိုန်​ဒျာႏ တ​ရန်း​ချင်ႏ​နဝ်ꩻ​သွူ။

လိုꩻ​ဖုံႏ​နဝ်ꩻ စွဉ်ႏ​က​ဟွိုန်​နာႏ​ဗာႏ​ဒါႏ ပ​ညတ်​တ​ရာꩻ​နဝ်ꩻ ထွာ​လိုꩻ​ဆွုပ်​ဆံႏ​မဲဉ်ႏ​စွဉ်ႏ ဗွေႏ​ဘု​ရာꩻ တ​မွေး​တဝ်း​သွူ။ ကွဲႏ​တွော့ꩻ စွဉ်ႏ​က​မာꩻ​လွဉ်ꩻ​ဒါႏ ပ​ညတ်​ကျမ်ꩻ အ​မိန်း​အ​တွိုင်ꩻ နဝ်ꩻ​ဒျာႏ​သွူ။

နုဲင်း​နီ က​မာꩻ​လဲဉ်း​ဒါႏ အ​တွိုင်ꩻ​နဝ်ꩻ ဗွေႏ​ဘု​ရာꩻ​နဝ်ꩻ အီႏ​ဖေႏ​နီ​တ​ဖြာꩻ​စီႏ ဆု​အ​ကျိုꩻ​သွူ။

လိုꩻ​လင်​ဖုံႏ​နဝ်ꩻ ဟဝ်​ဒျာႏ နမ်း​တာႏ​တဲင် ထာꩻ​အ​မဲဉ်ႏ​နဝ်ꩻ ပယ်ႏ​ထိုꩻ​ဒျာႏ​တွော့ꩻ၊ ထောင်​လွဉ်ꩻ​ဒျာႏ ထာꩻ​အ​မာႏ​နဝ်ꩻ​သွူ။ ဝွေꩻ​သီး​လောင်း​နဝ်ꩻ ဗွေႏ​ဘု​ရာꩻ အီႏ​ထောက်ꩻ​ထန်ႏ​ဖေႏ ဝွေꩻ​ဗွေႏ ထာꩻ​သꩻ​လျား စွဉ်ႏ​ဒေါ​သ နဝ်ꩻ​သွူ။

ကွဲႏ​တွော့ꩻ သီ​နဝ်ꩻ က​တူႏ​အဝ်ႏ​ဆွော့ꩻ​ဒျာႏ၊ သꩻ​အဝ်ႏ​နုတ်ꩻ​ဒျာႏ နဝ်ꩻမꩻ ဗွေႏ​ဘု​ရာꩻ ထာꩻ​သꩻ​လျား တွမ်ႏ​က​စီႏ​ရင်ႏ စွို့ꩻ​စွဉ်ႏ​ထာꩻ​ချိန်ႏ အ​နီꩻ​ထွိုင်ႏ​ဖျော်​လွဉ်​နဝ်ꩻ သီ​အဝ်ႏ​စီႏ​ရင်ႏ​ချာ​ဒျာႏ သီ​နမ်း ထာꩻ​စီႏ​ရင်ႏ​တန် နဝ်ꩻ​သွူ။