ខគម្ពីរពេញនិយមពី မာကု 7

ចែក​រំលែក

ပွိုး​သီ​သꩻ​ဖုံႏ​ကို က​ထန်ႏ​လွဉ် အ​ကျံႏ​ကုဲင်​ဖုံႏ​နဝ်ꩻ အွဉ်​မာꩻ​ဒျာႏ ပဲစ်​မာႏ​ဝင်ꩻ​ပို​မာ​ဖုံႏ၊ စွန်​ရိမ်​ထာꩻ​ဖုံႏ၊ မာꩻ​သီ​ဝင်ꩻ​ဖုံႏ၊ လွူꩻ​လောႏ​ဝင်ꩻ​ပို​မာ​ဖုံႏ၊ လော​ဖ​တန်​တဲင် မာꩻ​ထာꩻ​ကုဲင်​ဖုံႏ ကား​က​အဝ်ႏ၊ လိန်ႏ​လဲဉ်၊ မာꩻ​ထာꩻ​ပ​သို့ꩻ​ခ​ရာႏ၊ တ​ကေး​ဝင်ꩻ၊ မာꩻ​ခွိုက်​ဆာ​ဝင်ꩻ၊ မာန်ႏ​မာႏ​န​တန်​တဲင် မွိုက်​ထာꩻ စဉ်ꩻ​စာꩻ​ဉာဏ်ႏ​အဲဉ်​ထဝ်း၊ ထာꩻ​ကုဲင်​ယို​ဖုံႏ ကား​က​အဝ်ႏ​နဝ်ꩻ အဝ်ႏ​ဒျာႏ​သီ​အ​ကို ထန်ႏ​လွဉ်​တဲင် မာꩻ​တ​ဗော့ꩻ​လဲ့​ဒျာႏ​သီ” နုဲင်း​နဝ်ꩻ​သွူ။

အဝ်ႏ​အ​ထန်ႏ က​နွို့​လွဉ်​သော့ꩻ​ဒါႏ သီ​အ​ကို​နဝ် တ​မာꩻ​ဗော့ꩻ​လဲ့ꩻ နွောင်ꩻ​တဝ်း​သီ​သွူ။ နုဲင်း​ထာꩻ​က​အဝ်ႏ​ဒါႏ သီ​အ​ကို က​ထန်ႏ​လွဉ်​နဝ်ꩻ က​ယိန်း​မာꩻ တ​ဗော့ꩻ​လဲ့ꩻ​ထိုꩻ​သီ။

ဗွေႏ​ယေ​သျု လဝ်း​ချာ ဝွေꩻ​သီး၊ “​ဟေ​သျာ​ယ က​ဟော်ꩻ​ရီး ဖေႏ​ဒါႏ သီ​ခ​ရာႏ​ချိန်ႏ​နဝ်ꩻ မွော့ꩻ​မဲဉ်ႏ​ငါႏ​နုဲင်း​မုဲင်ꩻ။ သီ​နဝ်ꩻ​ထွာ သူႏ​တောႏ​လဲဉ်။ ဗွိုန်နုဲင်း ဝွေꩻ​က​တဲမ်း​ခါꩻ​လဲဉ်း​ဒါႏ၊ ‘​ဗွေႏ​ဘု​ရာꩻ​မိန်း၊ လိုꩻ​စား​ယို​ဖုံႏ​နဝ်ꩻ ရိုႏ​သေႏ​ခွေ စွဉ်ႏ​ဝွေꩻ​သီး ငဝ်း​ဖုံႏ​လွုမ်ꩻ၊ ကွဲႏ​တွော့ꩻ ဝွေꩻ​သီး အ​သꩻ​ဖုံႏ​နဝ်ꩻ အဝ်ႏ​ညာꩻ​မွေး​နေး​စွဉ်ႏ ခွေ​နဝ်ꩻ​သွူ။

ကွပ်​ပွိုး ဝွေꩻ​သီး သွဉ်​သင်​ဖေႏ​ဒျာႏ လိုꩻ​အ​ထွုံꩻ​နယ်ꩻ​ဖုံႏ၊ အ​ထွုံꩻ​နယ်ꩻ နဝ်ꩻ​ဖုံႏ​နဝ်ꩻ မာꩻ​စွဉ်ႏ နုဲင်း​ခွေ​ပ​ညတ်​ကျမ်ꩻ​ဖုံႏ ဝွေꩻ​သီး​က​ဝုဲင်ႏ ကိုꩻ​ကွယ်ႏ​ဒါႏ​ခွေ​နဝ်ꩻ အ​သွုံꩻ​တ​ကျ​တဝ်း၊” နုဲင်း​နဝ်ꩻ​သွူ။

“​ဗွေႏ​ဘု​ရာꩻ ထာꩻ​သွဉ်​သင်​နဝ်ꩻ သီ​ပုဲင်း​အွဉ်ႏ​ညာꩻ​ထိုꩻ​တွော့ꩻ လွောက်ꩻ​နာႏ​လွဉ်ꩻ​ဒျာႏ လိုꩻ​အ​ထာꩻ​သွဉ်​သင်​ဖုံႏ” နုဲင်း​နဝ်ꩻ​သွူ။