ខគម្ពីរពេញនិយមពី မာကု 6

ចែក​រំលែក

နဝ်ꩻ​ကို​နဝ်ꩻ လိုꩻ​အာ​ဖုံႏ အဝ်ႏ​လွေꩻ​လွေꩻ၊ သဲင်ꩻ​သဲင်ꩻ​ထာꩻ နဝ်ꩻ​မꩻ ဗွေႏ​ယေ​သျု​တွမ်ႏ အ​တ​ပဲ့​တောႏ​ဖုံႏ အီႏ​အံႏ​ငါ ထာꩻ​အံႏ​တဲ့ အ​ချိန်ႏ လဲင်ꩻ​တ​အဲဉ်​ထဝ်း​သွူ။ နဝ်ꩻ​မꩻ ဝွေꩻ​ဗွေႏ​ဒေါ့ꩻ​ဖေႏ ဝွေꩻ​သီး၊ “​နီ​ထန်ႏ​လွေꩻ​တွမ် နီ​ရင်ꩻ၊ ခင်ႏ​လမ်း​ယဉ်​ကို တ​ထွောင်း​ထွောင်း၊ ဖေႏ​က​အဝ်ႏ​ငါ နီ​လွုမ်ꩻ​ငါ​တွော့ꩻ ဖေႏ​နေး သီ​က​အုံ​ပ​ဆား​ဗာႏ တ​ဆင်ႏ​ငါႏ” နုဲင်း​နဝ်ꩻ​သွူ။

ဗွေႏ​ယေ​သျု ဒေါ့ꩻ​ဖေႏ​ဝွေꩻ​သီး၊ “​ပ​ရော​ဖဲစ်​ဖုံႏ​နဝ်ꩻ ပေါႏ​လွို​သွူ ဝွေꩻ​သီး အ​ဝေင်ꩻ​စွဉ်ႏ ဝွေꩻ​သီး​ဖူး​ဝေး​တွမ်ႏ ဝွေꩻ​သီး တ​မွိုး​ဖါ​ပို​စွိုꩻ​နဝ်ꩻ ခင်ႏ​လမ်း​စွုမ်ႏ​ထွောင်း ဝင်ꩻ​အဝ်ႏ​ရိုႏ​သေႏ​ဒျာႏ” နုဲင်း​နဝ်ꩻ​သွူ။

ဗွေႏ​ယေ​သျု ထွိုင်ႏ​အဝ်ႏ​ဖြီ​ကို ထန်ႏ​လွဉ်​ချိန်ႏ​နဝ်ꩻ ဝွေꩻ​ဗွေႏ​ထီႏ လိုꩻ​စွိုꩻ​ယို​ဖုံႏ အာ​ငါႏ​တဲင် ပွိုး​တွော့ꩻ ဝွေꩻ​သီး​နဝ်ꩻ ဗွိုန်​နုဲင်း သွိုꩻ​အ​တီ​သား တ​အဲဉ်​ထဝ်း၊ သွိုꩻ​ဖုံႏ​နဝ်ꩻ​မꩻ ဝွေꩻ​သီး​တာႏ ဝွေꩻ​ဗွေႏ​သꩻ​ကို အဝ်ႏ​ဗွေ​စွဉ်ႏ ထာꩻ​သꩻ​ညင်ꩻ​နဝ်ꩻ​သွူ။ နဝ်ꩻ​မꩻ ဝွေꩻ​ဗွေႏ သွဉ်​သင်​စ​ဖေႏ ဝွေꩻ​သီး အာ​စွိုး​ငါႏ​သွူ။

နဝ်ꩻ​ကို​နဝ်ꩻ ပေါႏ​လွို​သွူ ဝွေꩻ​ဗွေႏ အွဉ်ႏ​ဒင်ႏ​ဖေႏ​စူ လိုꩻ​ဆာ​ဖုံႏ​လောင်း​တွော့ꩻ လုမ်ꩻလာꩻ​ဟဝ်​ဖေႏ လိုꩻ​ဆာ​တ​စိꩻ​နဝ်ꩻ ဝွေꩻ​ဗွေႏ တ​မာꩻ​နယ်​တဝ်း ထာꩻ​အံႏ​ဖြာႏ​ခ​ရာႏ တ​စွိုး​စွိုး​သွူ။ လိုꩻ​ဖုံႏ​နဝ်ꩻ ကွပ်​ပွိုး ထာꩻ​ယွုမ်း​အဲဉ်​ထဝ်း နဝ်ꩻ​မꩻ ဝွေꩻ​ဗွေႏ အံႏ​ဖြာႏ​မွေး​နေး​စွဉ်ႏ နဝ်ꩻ​သွူ။ နဝ်ꩻ​ထွူ ဗွေႏ​ယေ​သျု​လွေꩻ​ဒုံ​ဖုံႏ က​အဝ်ႏ​ခူ​ဒါႏ အ​ရပ်​နဝ်ꩻ​ကို​တဲင် သွဉ်​သင်​ဖေႏ​လိုꩻ​ဖုံႏ​သွူ။

နဝ်ꩻ​ထွူ ဗွေႏ​ယေ​သျု​ထူႏ တ​ခိုး​ငတ်ꩻ​ဖြုံႏ​တွမ်ႏ ထ​ပေႏ​နီ​ဗာႏ ထွား​ထင်ႏ​ကီ ခမ်း​ထီ​မို့ꩻ​လောင်း​တဲင် အုပ်ꩻ​ထင်ႏ ဗွေႏ​ဘု​ရာꩻ ကေꩻ​ဇူꩻ​တောႏ​ထွူ၊ ဝွေꩻ​ဗွေႏ အဲ့ꩻ​တ​ခိုး​တဲင် တ​ခိုး​နဝ်ꩻ ဖေႏ​ဝွေꩻ​ဗွေႏ တ​ပဲ့​တောႏ​ဖုံႏ​တွော့ꩻ အွဉ်ႏ​ဖန်း​ဝေႏ​ဖေႏ​စွဉ်ႏ လိုꩻ​ဖုံႏ​နဝ်ꩻ​သွူ။ ဝွေꩻ​ဗွေႏ​အဲ့ꩻ​ပါ ထ​ပေႏ​နီ​ဗာႏ​တွော့ꩻ ဝေႏ​ဖေႏ​ဝွေꩻ​သီး ကား​က​အဝ်ႏ​နဝ်ꩻ​သွူ။ လိုꩻ​စွုမ်ႏ​ဖြာꩻ​နဝ်ꩻ အံႏ​ဗာႏ ကွို့ꩻ​လို့​စွဉ်ႏ​ဖုံႏ​သွူ။ နဝ်ꩻ​ထွူ တ​ပဲ့​တောႏ​ဖုံႏ တွမ်​ထူႏ​ယင်း တ​ခိုး​စွဉ်ႏ ထ​ပေႏ က​အဝ်ႏ​ကုဲင်​နဝ်ꩻ လꩻ​ယင်း တ​ဆီ​နီ​ခြောင်း ဗွေ​ဗွေ​နဝ်ꩻ​သွူ။