ខគម្ពីរពេញនិយមពី ကမ္ဘာႏစ 25

ចែក​រំលែក

နဝ်ꩻ​မꩻ ထာ​ဝ​ရ​ဘု​ရာꩻ မိန်း​ဖေႏ​ဝွေꩻ၊ “​နာꩻ​ဟို့ꩻ​ကို​နဝ်ꩻ လိုꩻ​မျိုꩻ​အဝ်ႏ​သော့ꩻ နီꩻ​မျိုꩻ၊ နာꩻ​နဝ်ꩻ အီႏ​လွူး​လွဉ်​ဗာႏ လိုꩻ​နီ​မျိုꩻ အ​ချင်ꩻ​ချင်ꩻ က​အဝ်ႏ​ပြဲင်ႏ​လို့​ဒါႏ​ဝင်ꩻ။ တ​မျိုꩻ​နဝ်ꩻ အာႏ​အီႏ​တန်​ကယ်ꩻ အ​လင်​တ​မျိုꩻ​သွူ။ အ​ဖြာꩻ​တန်​နဝ်ꩻ အီႏ​ခံႏ​ဗာႏ အ​ဖြာꩻ​ပေႏ​သွဉ်း” နုဲင်း​နဝ်ꩻ​သွူ။

တဲင်​ဒေါ့ꩻ​ဖေႏ​ယာ​ကုပ်၊ “​ခွေ​ဟို့ꩻ​ခိုး မွေး​စွဉ်ႏ​ထာꩻ ဖေႏ​အံႏ​ဗဲင်း​ခွေ နာꩻ​ဟန်ႏ​အို ဗာႏ​ခူꩻ​တ​နျာႏ​ဒွိုႏ​နဝ်ꩻ​မွိုင်။” (​ပွိုး​နဝ်ꩻ​မꩻ ဝွေꩻ​နဝ်ꩻ ဝင်ꩻ​ဖန်​ဟဲ့ꩻ​ဖေႏ​အ​မဉ်ꩻ ဧ​ဒုံ)​နုဲင်း​နဝ်ꩻ​သွူ။

ကွပ်​ပွိုး ရီ​ဗ​က္က​နဝ်ꩻ တ​လꩻ​တဝ်း​ပို​နဝ်ꩻ​မꩻ ဣ​သဲစ်​ဆု​တောင်ꩻဖေႏ ဝွေꩻ​မူႏ​အ​တာႏ ထာ​ဝ​ရ​ဘု​ရာꩻ​ထျꩻ​သွူ၊ ဝွေꩻ​ဆု​တောင်ꩻငဝ်း​နဝ်ꩻ ထာ​ဝ​ရ​ဘု​ရာꩻ နာႏ​တဲင် ရီ​ဗ​က္က​လꩻ​လွဉ် သ​န္ဓေႏ​သွူ။

ဧ​သော​ဒေါ့ꩻ “​ခွေ​ဟို့ꩻ​ခိုး​ထာꩻ​နဝ်ꩻ အီႏ​သီ​သွူ။ ပို​ခို​တန်​အ​ရာႏ​နဝ်ꩻ ခွေ​တာႏ အ​ကျိုꩻ​အဝ်ႏ တ​မုဲင်ꩻ​ဟောင်း” နုဲင်း​နဝ်ꩻ​သွူ။ ယာ​ကုပ်​ဒေါ့ꩻ​ချာ “နာꩻ​အီႏ​ဖေႏ​ခွေ ပို​ခို​တန်​အ​ရာႏ​နဝ်ꩻ အွဉ်ႏ​သ​စ္စာႏ​ရီး​ဟုဲင်း” နုဲင်း​နဝ်ꩻ​သွူ။ ဧ​သော အွဉ်ႏ​သ​စ္စာႏ​တဲင် ဝွေꩻ​ပို​ခို​တန် အ​ရာႏ​နဝ်ꩻ ဖေႏ​ထိုꩻ​စွဉ်ႏ ယာ​ကုပ်​သွူ။

ဒု​တိ​ယ​တ​ဖြာꩻ​နဝ်ꩻ အဝ်ႏ​ခွုမ်​သဲဉ်ꩻ​လင်ꩻ ဧ​သော​ခင်ႏ​ဒွိုႏ​တဲင် လွူး​လွဉ်​နဝ်ꩻ​မꩻ ဖန်​ဟဲ့ꩻ​ဖေႏ​ဝွေꩻ​အ​မဉ်ꩻ ယာ​ကုပ်​သွူ။ ဝွေꩻ​သီး က​လွူး​လွဉ်​ချိန်ႏ​နဝ်ꩻ ဣ​သဲစ်​သက်​လꩻ​လဲဉ်း သူ​ဆီ​သွူ။

ဧ​သော က​ဟောႏ​လꩻ ထာꩻ​သား​ထာꩻ​ခြာ​ယာႏ​ဖုံႏ​နဝ်ꩻ ဣ​သဲစ် မက်​ငါႏ​နဝ်ꩻ​မꩻ ဝွေꩻ​ရက်​ငါႏ ဧ​သော​သွူ၊ ကွဲႏတွော့ꩻ ရီ​ဗ​က္က​နဝ်ꩻ ရက်​ယာ​ကုပ်​သွူ။