ខគម្ពីរពេញនិយមពី ကမ္ဘာႏစ 26

ចែក​រំលែក

အုံ​သွော့ ခမ်း​ယို​ကို​တဲင် ခွေ​တဲ့ အီႏ​အဝ်ႏ​ငီꩻ​တွမ်ႏ​နာꩻ အီႏ​ဖေႏ​နာꩻ​မင်္ဂ​လာႏ၊ နယ်ႏ​ယို ကား​က​အဝ်ႏ​နဝ်ꩻ ခွေ​အီႏ​ဖေႏ​နာꩻ​တွမ်ႏ နာꩻ​ပို​လီꩻ စွိုး​ခွိုꩻ​ဖုံႏ နုဲင်း​ခွေ​က​အွဉ်ႏ​ဂတိခါꩻ​ဒါႏ နာꩻ​ဖါ အ​ဗြာ​ဟံ အ​တွိုင်ꩻ​နဝ်ꩻ ခွေ​အီႏ​အွဉ်ႏ​တီႏ ဂ​တိ​သွူ။

ခွေ​အီႏ​ဖေႏ​အာ​နာꩻ ပို​လီꩻ​စွိုး​ခွိုꩻ ဗွိုန်​နုဲင်း​ဆာႏ မို့ꩻ​လောင်း​ကီ​တဲင် နယ်ႏ​ဖုံႏ ကား​က​အဝ်ႏ​နဝ်ꩻ ခွေ​အီႏ​ဖေႏ ဝွေꩻ​သီး​သွူ။ နုဲင်း​ခွေ​က​ဖေႏ​နာꩻ ပို​လီꩻ​စွိုး​ခွိုꩻ​ဖုံႏ မင်္ဂ​လာႏ​အ​တွိုင်ꩻ လိုꩻ​မျိုꩻ​ဖုံႏ ကား​က​အဝ်ႏ​နဝ်ꩻ​တဲ့ꩻ အီႏ​ကွီ​နုဲင်း​နုဲင်း မင်္ဂ​လာႏ ခွေ​ထျꩻ​သွူ။ အ​ဗြာ​ဟံ​နဝ်ꩻ လွောက်ꩻ​နာႏ​မာꩻ​လွဉ်ꩻ နုဲင်း​ခွေ​ပ​ညတ်​ကျမ်ꩻ တွမ်ႏ​ဥ​ပ​ဒေႏ​ဖုံႏ ကား​က​အဝ်ႏ နဝ်ꩻ​မꩻ ခွေ​အီႏ​ဖေႏ​နာꩻ မင်္ဂ​လာႏ” နုဲင်း​နဝ်ꩻ​သွူ။

အဝ်ႏ​နဝ်ꩻ​ကို ဝွေꩻ​ခြုဲင်း​လွေꩻ​ညာꩻ​တဲင် ခူႏ​ယင်း​ထီ​အုံႏ အ​လင်​တ​ဖြုံႏ​သွူ။ ထီ​အုံႏ​နဝ်ꩻ​နဝ်ꩻ အ​လဲင်ႏ​ယို ငဝ်း​အာ​ဗာႏ​ဒွုမ်​ဝင်ꩻ နဝ်ꩻ​မꩻ ဝွေꩻ​ဖန်​ဟဲ့ꩻ ထီ​အုံႏ​မဉ်ꩻ “​လွစ်​ကင်ꩻ​လဲဉ်း” နုဲင်း​နဝ်ꩻ​သွူ။ ဝွေꩻ​ရိုꩻ “​ယို​ခါ ထာ​ဝ​ရ​ဘု​ရာꩻ ဖေႏ​လဲဉ်း​နီ အုံ​အဝ်ႏ လွစ်​ကင်ꩻ​သော့ꩻ​ဗာႏ ခမ်း​ကို​ယို​နဝ်ꩻ​မ နီ​စီꩻ​ပွါꩻ​ရေꩻ အီႏ​ထင်ႏ​ထို” နုဲင်း​နဝ်ꩻ​သွူ။

ထာ​ဝ​ရ​ဘု​ရာꩻ ပေါႏ​နယ်​ထင်ႏ​သျာꩻ​ဖေႏ ဣ​သဲစ်​တဲင်​မိန်း၊ “​တွမ်ႏ​လွေꩻ​မွိုန်း အီ​ဂျစ်​ခမ်း၊ နာꩻ​လွေꩻ​အုံ​သွော့ ခွေ​က​အွဉ်ႏ​နယ်​ဒါႏ​နာꩻ ခမ်း​နဝ်ꩻ​ဟုဲင်း ။

ဣ​သဲစ် တယ်ႏ​ယဇ်​ပ​လ္လင်ႏ နဝ်ꩻ​ကို​တ​ဗာႏ​တဲင် ဝုဲင်ႏ​ကိုꩻ​ကွယ်ႏ ထာ​ဝ​ရ​ဘု​ရာꩻ​သွူ။ နဝ်ꩻ​ထွူ ဝွေꩻ​ချꩻ​ယင်း​ပင် အ​ရပ်​နဝ်ꩻ​ကို​တဲင် ဝွေꩻ​သွဉ်း​ဖုံႏ ခူႏ​ယင်း ထီ​အုံႏ​အ​လင်​တ​ဖြုံႏ​သွူ။