ខគម្ពីរពេញនិយមពី ကမ္ဘာႏစ 15

ចែក​រំលែក

အာ​ဗြံ​နဝ်ꩻ ယွုမ်း​အာႏ​ကွိုꩻ ထာ​ဝ​ရ​ဘု​ရာꩻ​နဝ်ꩻ​မꩻ ထာ​ဝ​ရ​ဘု​ရာꩻ နစ်​သက်​တဲင် လ​က္ခံႏ​ဝွေꩻ​သွူ။

နဝ်ꩻ​ထွူ အာ​ဗြံ​လꩻ ရူႏ​ပါ​ရုံႏ​တဲင် ဟွိုန်​ထာ​ဝ​ရ​ဘု​ရာꩻ မိန်း​ဖေႏ​ဝွေꩻ၊ “​အာ​ဗြံ ငမ်း​မွိုန်း၊ ဘေꩻ​ရန်ႏ​အ​န္တ​ရာယ်ႏ အ​ကို​နဝ်ꩻ ခွေ​အီႏ​ကာႏ​ကွယ်ႏ ရဲ​ဖေႏ​နာꩻ​တဲင် အီႏ​ဖေႏ​နာꩻ ဆု​တန်​မျတ်​သွူ။”

ထာ​ဝ​ရ​ဘု​ရာꩻ ဟဲ့ꩻ​ထန်ႏ​ဝွေꩻ ကောင်း​ထန်ႏ​တဲင်၊ “​ထွား​ထင်ႏ​သွော့ မို့ꩻ​လောင်း​ကီ ထွူ​တွော့ꩻ ကျံႏ​ကဲႏ တွက်​ထွား​စမ်ꩻ​သွော့ ဆာႏ​ဖုံႏ၊ နာꩻ​ပို​လီꩻ စွိုး​ခွိုꩻ​နဝ်ꩻ အီႏ​အာ​တ​တွာ​နဝ်ꩻ” နုဲင်း​နဝ်ꩻ​သွူ။

နဝ်ꩻ​ထွူ ဝွေꩻ​ဟွိုန် ထာ​ဝ​ရ​ဘု​ရာꩻ မိန်း​ဖေႏ​ဖျင်​ယင်း​ဝွေꩻ၊ “သွဉ်း အဲလိအာသာ​ယို အီႏ​တ​ပဲင်ႏ​ဗာႏ​တဝ်း နာꩻ​အ​မွီႏ၊ နာꩻ​ပို​သွီႏ​ယာႏ အီႏ​ပဲင်ႏ​ဒျာႏ” နုဲင်း​နဝ်ꩻ​သွူ။

ဗွေႏ​ဘု​ရာꩻ မိန်း​ဖေႏ​ဝွေꩻ၊ “​နာꩻ​ပို​လီꩻ စွိုး​ခွိုꩻ​နဝ်ꩻ အီႏ​ထွာ​ဗာႏ ထဉ်ႏ​လိုꩻ​တ​သဉ် ပါꩻ​ခမ်း​ကို၊ ဝွေꩻ​သီး​အီႏ​ထွာ​ဗာႏ ဝင်ꩻ​သွဉ်း ခမ်း​နဝ်ꩻ​အ​ကို​တဲင် ခံႏဗာႏ​ဝင်ꩻ​နစ်​စက်​နေင်ႏ​ပေါင်ꩻ လစ်ꩻ​ရျာꩻ​သွူ။

ကွဲႏတွော့ꩻ အာ​ဗြံ​လဝ်း​ချာ၊ “​အ​န​န္တ​တန်ꩻ​ခိုꩻ ဗွေႏ​ထာ​ဝ​ရ​ဘု​ရာꩻ ၊ ခွေ​သွဉ်း​နဝ်ꩻ ပို​တ​ဖြာꩻ​ငါ​တဲ့ꩻ တ​လꩻ​တဝ်း​ဒွိုန်း​နဝ်ꩻ အီႏ​စံႏ​စာꩻ​ဗာႏ နီ​ဗွေႏ​ဆု​တန်​မျတ် နုဲင်း​မုဲင်ꩻ​ဟောင်း၊ က​အီႏ​စံႏ​စာꩻ​ဒါႏ ခွေ​အ​မွီႏ​နဝ်ꩻ အဝ်ႏ​ဒျာႏ ဒ​မာ​သ​ကတ်​ဝေင်ꩻ​သား အဲလိအာသာတ​ဖြာꩻ​လွုမ်ꩻ​သွူ။

နဝ်ꩻ​ထွူ နဝ်ꩻ​ကို​နဝ်ꩻ ထာ​ဝ​ရ​ဘု​ရာꩻ တွမ်ႏ​အာ​ဗြံ မာꩻ​ပ​ဋိ​ညာဉ်ႏ​သွူ။ ဝွေꩻ​ဗွေႏ​ရိုꩻ “တယ်ႏ​အီ​ဂျစ်​ခမ်း​ကူ ဗꩻ​လွေꩻ ဥ​ဖ​ရတ် ထီ​ခြောင်​တန် တဲ့ꩻ​နဝ်ꩻ

နာꩻ​ပို​လီꩻ​စွိုး​ခွိုꩻ​နဝ်ꩻ ဗꩻ​လင်ꩻ လစ်ꩻ​စိုး​ထွူ​မꩻ အီႏ​သဲင်ꩻ​ချာ​ဗာႏ​ယင်း ခမ်း​ယို​ကို​သွူ။ ကွပ်​ပွိုး အံ​မွန်​ရိ လိုꩻ​မျိုꩻ​ဖုံႏ ထာꩻ​မွိုက်​ထာꩻ​ကုဲင် မဉ်ႏ​တွိုႏ ခံႏ​ထွိုက်​တံႏ​ချိန်ႏ​မꩻ ဝွေꩻ​သီး အဝ်ႏ​ခမ်း​ယို ခွေ​အီႏ​စီႏ​ရင်ႏ ဝါး​ထန်ႏ​ထိုꩻ” မိန်း​နုဲင်း​နဝ်ꩻ​သွူ။