ខគម្ពីរពេញនិយមពី Lukas 8

ចែក​រំលែក

“Manang ya matabaꞌ na lupaꞌ na kyasabugan sa manga biniꞌ, yan ya manga utaw na migpakanyeg sa tingeg na Tyumanem aw gayed nilan pigbetang adti kanilan anenganeng, aw pigpadeleg nilan ya pagdalug, aw magi sa pagpadeleg nilan, nyamunga na to-o madég.”

“Aw ya magalet na suksukun na kyasabugan uman sa manga biniꞌ, yan ya manga utaw na dyumengeg sa tingeg na Tyumanem aw nyangintu-u silan manang ya kanilan anenganeng nyatmuꞌ na kakaypengan sa pagpakabetang nilan, aw sa pag-anenganeng na ma-imoꞌ mayaman, aw sa manga pagkaliman nilan asini tas na lupaꞌ. Aw ya sampetan yan, diliꞌ makabunga ya kanilan pagpangintu-u.

“Aw ya kabatuwan na kyasabugan sa manga biniꞌ, yan ya manga utaw na dyumengeg sa tingeg na Tyumanem aw pigdawat nilan na awun pagleya manang walaꞌ to-o pakadalid ya pagpangintu-u nilan. Pagdateng na manga kalugan aw manga pagpamulayam asuntu sa pagpangintu-u nilan, ayawan nilan ya kanilan pagpangintu-u.

Miglong si Jisus sa manga umagakan nan, “Ayin da saba ya pagsalig mayu kanak?” To-o silan nyallek aw nya-enneng-enneng aw mig-usip-usipay silan, “Singalan kaꞌ ya utaw yeiy? Pangkay ya samet aw ya manga baled magka͡agad kanan!”

Ya kilid na dalan na kyasabugan sa manga biniꞌ, yan ya manga utaw na dyumengeg da sa tingeg na Tyumanem manang dumateng si Satanas aw pigdampas nan adti kanilan ya pigdengeg da nilan pada diliꞌ silan mangintu-u aw diliꞌ silan paluwa-en na Tyumanem.

Maynan uman, walaꞌ ya pigtaguꞌ adun na diliꞌ kagaya ka-ede-an. Ya kadég alag bukasan aw mabangal.

Pagka-edeꞌ na ka͡ubayan na diliꞌ da nan mataguꞌ, lyumikuꞌ sakanan adti kan Jisus na pigtakigan. Aw nyangillupung adti asdangan ni Jisus aw pig-ubat nan adti kadég na manga utaw kun unu ya du-an na pig-awidan nan ya pigsut ni Jisus aw ya pagpakaguliꞌ kanan. Aw miglong si Jisus kanan, “Kay Déꞌ, asuntu sa pagpangintu-u mu kanak, yan ya nyakaguliꞌ kanmu. Uliꞌ kaw na awun da kalinaw na kanmu anenganeng.”

Yanagaw, maksay dyumulud kan Jisus ya manga umagakan nan aw pigpukaw nilan na miglong, “Kay Magpalna-uway! Un da kitadun mangkamatay!” Aw migbangun si Jisus aw pigsagda nan ya samet aw baled, law nan, “Tangkeꞌ kamu!” Aw tyumangkeꞌ ya samet aw migkalinaw da ya danaw.