ខគម្ពីរពេញនិយមពី 2 Korintus 4

ចែក​រំលែក

Do iri nopo soromonon tokou mongontong irino i au aantangan, aui soromonon tokou mongontong iri aantangan, sabap iri nopo aantangan oruai tumalib, nga iri nopo i au aantangan maino nga auso koovion.

Sabap do muu-guu i tulun aparsaya irino do au oluluvau iti ginavoja. Nga insan mukus-kukus iti dagai do kojuvan do osuat do kasansaraan, nga ginavoja nopo om vagu nopo pointikid tadau. Om iti nopo kosusaan tokou do maino nga opoyok, nga irino koonuan tokou di vinaang di au misok poimvaja di Kinoringan nga lobi agajo nong pitaladon di kosusaan tokou do maino.

Soumur ikoi osuat do kosusaan nga aui ogipit ikoi, om sumurau i ginavoja nga kivaroi pangaarapanja, om pokorualan ikoi nga aui iduan ikoi do Kinoringan, om podumpauon ikoi nogi nga aui obinasa ikoi.

Nga ikoi nopo diti om koirad-irad diri iso poijanan i vinaal mantad di tana do kivaro arata di oorogo marong siri saralom, irino pongilaan diri Abar do Aandai mantad di Koristus. Om kointalangno do iri nopo kuasa do agajo marong diri nga mantad di Kinoringan om okoniko mantad dagai.

Do sinompon di kotua do rogon i sinoromo di tongotulun di au aparsaya sabap do sumiliu isido do kinoringan diolo siti vonuvo do maino, sagaipo dii nga au iolo koontong di vinaang do monitiu daa si ginavo diolo mantad di Abar do Aandai pasal do kagajaan di Koristus, do irino miiradi Isido di Kinoringan.

Do ontok di minomorun i Kinoringan diti vonuvo minitangar Isido do ka, “Mantad siri totuvongno mimbulai i vinaang,” ka. Om Kinoringani diri do posiliu di vinaang do monginavau di ginavo tokou supaya koilo tokou pasal di vinaang do kagajaanJo iri si pamarasan di Koristus.