ខគម្ពីរពេញនិយមពី 2 Korintus 5

ចែក​រំលែក

Irad nopo diri isaai nopo i nokopiiso di Koristus nga sinumiliu isido do tulun di vagu, do nokotingkod iri gaagayajo laaid om nokoimbulai iri gaagayajo di kavavagu.

I Koristus nopo nga auso duso, nga sabap do gumanti Isido daton nga nipatanggung do Kinoringan Disido i duso tokou, supaya abanar tokou si di Kinoringan sabap kopiiso tokou di Koristus.

Do iti nopo gaagayaja nga porintawon di kaparsayaanja di Kinoringan om okoniko sabap diri aantanganja.

Om kasangkat dino nga mantad di Kinoringan i pinopiandai daton si Disido mantad di kinapatajan di Koristus, om onuai ikoi nogi dii do karaja mangangat di tongotulun vokon do kumiandai Disido. Om nipaarap di Kinoringan dagai iti ponudukan do polombusonja si di tongotulun, do ponuuan di Kinoringan do kasangkat tongotulun supaya kumiandai iolo Disido sabap siri Isido di Koristus, om auno dii kirawon Disido i tongokasalaan diolo di pogulupo.

Om ikoi nopo diti nga nosiliu do sinuu di Koristus, om pinakakabang ikoi di Kinoringan do sumuvoli di Koristus mitangar, do mokianu ikoi marong dikovu supaya miandai kou si di Kinoringan.

Om iri nopo kinapatajan di Koristus nga sabap kasangkat do tulun supaya kasangkat iri tongotulun diri ovijau saralom Disido nga okonko ovijau maja di kouvanganjo kondiri, nga ovijau iolo maja di kouvangan di Koristus iri napatai om novijau sabap kasangkat diolo. Om irino sabap mantad di maino do au ikoino dii mongintutun do isai-isaipo tulun do maja diri ponimbang do tulun toomod. Om insan pun do nokoinam ikoi di pogulu do mongintutun nogi daa di Koristus do maja diri ponimbang do tulun toomod nga auno dii gulionja do irad diri kavagu.

Nga au kojuu i Koristus dagai om irino do kagajat di ginavoja, do noilaanja do isono Isido do napatai sabap kasangkat do tulun. Irino sabap do irad do kasangkat tulun diri nga kavaja do apatai.