ខគម្ពីរពេញនិយមពី Fagsigadan 37

ចែក​រំលែក

Ay bandi daw, inkugat yay at ngay kaka nu kalimata, teway Use nataginfanan ay nafoyung sat ngay kaka te, “Nataginfanan aw. Katatuy ku taginfanan.

Ay ebi ataw gina Use kasalug, at tama Akub mafufuwama wan. Nu katanya, at tama kesug dawdaw Use. Glabi yay nu kesug tiba at baguwama. Ay Akub nasugu sik taw te, “Awati sik masine fag balukas ngaba.” Ay nu nkawat wan, Akub nabul wan ay nafon sas Use.

Ay Use ngay kaka nu nalag, gsulitanan te, “Kanya wa ngani fiya tam tama nesugan. Ay wa bangan kesug antam.” Ay siginan ginanya, at ngay kaka kalimata way Use. Ay anggan nu gelongan sigon sa anya malimata way.

Ay bandi daw, Use nataginfanan yay fiya ay nafansulit yangay sat ngay kaka te, “Aro nataginfanan kyay fiya. Sadaw unu nalag aw tam menit ay tam magdanun ay labi sadik galeme. Ay kanya fagayu, menit magdanun ay galeme, inkarung unu sa angku baliwa.”

Ay roro dewa katanya, ka fag taginfanan infamato wa sit tama amatanganan. Ay at ngay kaka kalimata way gugat Use.

Ay bandi daw, inkugat yay at ngay kaka nu kalimata, teway Use nataginfanan ay nafoyung sat ngay kaka te, “Nataginfanan aw. Katatuy ku taginfanan. Sadaw unu si tam sad gamasun. Ay igfutus yama tam sik ngay baybay, si angku ku nafutus inturuk. Ay si ayu ay nafutus ayuwayu nasafungan ku nafutus, ay nus tuwa inkarung ya sa ku nafutus baliwa. Kata nangus nafababaun sa ku nafutus.”

Katsi long ro, gfate watam ay gfatong watam at bilug sa sik alian ngabasad. Ay nu e gsarap wa ban anya, manlonganan watam te, ‘Sik mangimut tagfangagat nafate wan.’ Teway nu nafate tuwa tam anya, wa long ban umgurungan at ngay nataginfanan.”

Ay kanya fag ngay taw taguba at ngay famabili nut si was sisiyan alungudan, Use at ngay kaka nabul wa anya siginan sad alian ay nafabili sanya fag ngay taw. Ngayu tuwa at fansali. 20k pilak tuwa. Ay kanya fag ngay taw nalo wan nataban wa Use nangadasug sas talun Iptu.

Ay gsulitanan ayuwayu te, “Kanya wa ngani. Tagfantaginfanan kadasug wan.

Ay Use gina si yays fakasurayan, at ngay kaka nalag wa gugat. Ay roro at ngay kaka gananfateun way anya.

Ay roro Rubin nu nadungug at ngay fadugsay fasadan, nalong te, “E, lagi! Lag tam gfate. Ay lag tam gfasait at bilug. An yakman tam nanfatong anya iste fag alian at ngabasad istes talun at yud e taw.” Teway sis Rubin at fasadan antuwa nanfalangfe Use laman ban umfoli tuwa sat tama.