ខគម្ពីរពេញនិយមពី Fagsigadan 24

ចែក​រំលែក

Ay roro mangaro sanya, kanya fag fanuguwan gdarangin sat amatanganan. Gdarangin te, “Yawi, o wan ku fun at fagsegan fag Diyus. Ay katsi, nu gurungan tuwo kesug ku fun kata ebi ginan, tarabangi angku ku naloan stiye, laman umke fanambagun tuwa.

Ay katsi, get aw emu te, fasafuli angku te, go sinu fag baguyna am nafamasadan ku fun baguwama at mangena ban. Rodi ro, umkakbang aw sanya fag ngay baguyna at sadi, ay nanget aw at ba mamam. Ay kanya nu nalong ro te, ‘Kin, inumi wan, ay gfainum akyay anggan am ngay kamelyu,’ kanyai wa nangus am nafamasadan sa ku fun baguwama, at mangena ban. Ay nu katanya, sumaful aw te, anggan katsi kesug tuwo ku fun.” Katanya Abrayam fanuguwan at darangin.

Ay Isaak nafasakbo Ribika sa at tina bale ebi ataw. Ay kanya wan at mangena. Ay Isaak mason way ngap nu kafanyu at mangena Ribika. Ay nu katanya, Isaak inkalyaman tuwa nu kabalu tina naatean.

Ay Ribika at magurang ay anggan at ngay fadugsay nu nadungug at longan, di gsalag nu glo. Fangkabat, gdarangin tuwa anya. Gdarangin te, “Katsi ban nangus, em baguyna antuwa sik ngay taw ayuwayu at magurang. Ay at ngay fufu ban nangus sat dagat daga, baboi tuwa gugat at ngay fabarangyan.” Ay nu ntabu wat darangin, Ribika igsakay wa sas kamelyu. Iglo wan. Galo wa sanya fag fanuguwan, gfaygaluwan at ufud fag ngay ama. Ay Ribika gina glo, gtaban yay sik ngay fanuguwan. Anggan at takamato anya ebi gina alay, Ribika nataban wan. Ay kanya fagayu igsakay yangay sas kamelyu. Ay nalo wan. Nangadasug wa sas Isaak bale.

Ay Abrayam mangaro e sik fanuguwan at magit anya. Kanya tagmagurang tibak fanuguwan. Ay kanya yangay tagtanud Abrayam at fagmabalanun. Ay sayginan, Abrayam glong sanya fag fanuguwan te, “Katsi nansarap wo ku baguwama mangena. Nu gsarap o, lag gsarap ste ginan fag ngay taw Kanaan. Sai tuwa ku fakadaulan fag talun, sa ku ngay kalongan at fagbanwanan. Sanyai tuwa nu gsarap o. Ay katsi fatuyanani sa tam Yawi, sa tam Diyus tagmagurang tam banwa ay tam daga, te fagurungan wa ban o fiya katanya. Ay katanya am fatuyanan, fatvngvdi tuwa.”