ខគម្ពីរពេញនិយមពី १ पाट्‌रुस 4

ចែក​រំលែក

चोब्‍नबाङ् ढ्‌या खानावाँ माङ्‌भनॆ आन्‍नॆ एक्‍कसॆ होइक नुःर सोम्‍टुक्‍पे चुआनॆ मान्‍ठाभनॆ सोम्‍टुॽपे चुमॆ खानावाँऎ ऎॽवाहा हिङ्‌वा सङ्‌क डॆक्‍खॆकु।

हाङ् निवाँहाङ्‌मि नाम्‍नावाँबाङ् आन्‍ना चोप्‍पासॆ एक्‍क एक्‍क डिरिक् खालाह बारडाना टक्‍चाडाम्‍नि। आक्‍खा खानावाँ एक्‍कसॆ होइकमि नुःर लॆःॽमाम् लागि याङाम्‍नॆ।

आसानुङ् यामुमॆ बारडाना चु, खो चाइ निवाँहाङ्‌न खोबाङ् यामुमिम्‍पार यामुर। हाङ् आसानुङ् चाइ होइडाचि नुःर लॆःॽमॆ बारडाना चु, खोसॆ आक्‍क योम्‍पक् निवाँहाङ्‌मि चॆक्‍मावाबाङ् मुसुर। मसॆ चोब्‍न योम्‍पक्‍बि येसु खिरिस्‍टबाङ् निवाँहाङ्‌मि निङ्‌लावा नुङ् खोम् निङ्‌ठेट्‌टि खॆॽर। आमेन।

टर आन्‍ना खिरिस्‍टियान लिमिम्‍पासॆ डुखा आङ्‌मा सिट्‌टानि हाङ्‌ग आङेसिआनॆ। आक्‍क निङ्‌पि डुखा आङ्‌मा सिॽमिम्‍पाबि निवाँहाङ् ओहाक् पिट्‌टाम्‍नॆ।

चोब्‍न खानावाँ लुक्‍खॆॽमॆ लः सॆॽलॽन टामॆ पाइ। मसॆ आन्‍नॆ टाङ्‌पा टाङ्‌पॆॽन खाङ्‌हिखुबा, सॆङ्‌सॆङॆ लिसे पारठाना लॆटानॆ।

कॆ नाम्‍नाम् पिसिमिम्‍पा लाङ्‌काम्‍चि, आन्‍ना ढ्‌या डुखाबि सिट्‌टि खॆॽमानुङ आन्‍ना ठाःक्‍माबि सिकानिर, गरहा खोप्‍चिनाँवाँ ग आटामा लॆऎ कामानुङ् आआक्‍टि खारानॆ। बोरु कानि सङ्‌क खिरिस्‍टबि डुखा आङ्‌टकि कामानुङ् चेन्‍चाआनॆ मसॆ खो खोमि ढ्‌या निङलावानुङ् खाङ्‌मुटाक्‍र आन्‍ना चेन्‍चासे हाङ्‌हाङ् मिनुकानि।

हाङ् माङॆन्‍रेम एक्‍कसॆ होइक चेन्‍चासे खिम्‍पि नुःर लॆपॆ चुआनॆ।

मसॆ निवाँहाङ्‌मि निवाँ रक्‍न डुखा आङ्‌खुबाचिऎ काम्‍नुऎ योम्‍पक् याइमा फॆन्‍नि। खो मुखुबा निवाँहाङ्‌बि निवाँयुङ् लॆःॽमा लॆ, मान्‍ठाभनॆ खोसॆ आन्‍नानुङ् युङ्‌मिम्‍पा चुप्‍लाङ् हानाम्‍स मुकुन।

खिरिस्‍टऎ मान्‍टहाङ् डुखा आङु, मरहाङ्‌न आन्‍नॆ सङ्‌क डुखा आङ्‌मा परकानॆ मान्‍ठाभनॆ आसॆ सालुङ्‌बि डुखा आङ्‌कु, आक्‍कसॆ हिङ्‌वा योम्‍पक् याइॽमिम्‍पा लि। गरॽहाङ् हऎबाङ् खोसॆ सालुङ्‌पि हिङ्‌चारढारि याॽमिमि काइसॆ निवाँर हॆॽनि, टर निवाँहाङ्‌मि निवाँरऎ हिङ्‌खामा हिङ्‌चाआनॆ।

हाङ् आन्‍नॆ खिरिस्‍टमि निवाँयुङ् लॆःॽमिम्‍पासॆ आन्‍ना याॽमिचिऎ सिच्‍चाआमि हाङ्‌ग टाङ्‌पा आसिका टक्‍चामिम्‍पा याॽमिचि कामानुङ् मिनानॆ मान्‍ठाभनॆ निङ्‌लावा नुङ्‌मा निवाँहाङ्‌मि लावा आन्‍ना सक्‍पि लि।