ខគម្ពីរពេញនិយមពី १ कोरन्‍थी 15

ចែក​រំលែក

तैखातिर हे हमर पिरिय भाइ-भैयासब, बिस्‍बासमे बलगर आ अस्‍थिर रह। तुसब परभुके काममे बरहैत जो, कथिलेत तुसब जानैचिही कि परभुमे तोरासबके मेहनत बेरथ नै हेतौ।

महज परमेस्‍वरके धन्‍यबाद हेबे, जे अपनासबके परभु येसु खिरिस्‍टसे अपनासबके बिजय दैछै।

एहन बातसबके धोखामे नै पर। कथिलेत खराब सङहतसे असल लोक सेहो बिगरैछै।

महज हम जे चियै, उ परमेस्‍वरके अनुगरहसे चियै आ हमर उपर करल ओकर अनुगरह बेकार नै भेलै। हम औरो परेरितसबसे बेसी मेहनत करलियै। बास्‍तममे काम करैबला हम नै, महज हमरसाथमे भेल परमेस्‍वरके अनुगरहसे काम करनेचियै।

“ए मिरतु, तोहर जित कते? ए मिरतु तोहर खिल कते?” मिरतुके खिल पाप चियै आ पापके सक्‍ती बेबस्‍था चियै।

सुन! हम तोरासबके एकटा रहसके बात कहैचियौ, अपनासब कोइ नै मरबिही, महज सबकोइ परिबरतन हेतै। यि परिबरतन आँखके एक मटकीमे, तुरहीके अन्‍तिम अबाजमे हेतै। तै समयमे तुरही बज्‍तै तब मरल लोकसब सबदिनके लेल जिबित हेतै आ अपना जिबित भेलसब परिबरतन हेबै।

कथिलेत जनङ एकटा लोकके कारन सबकोइके मरे परलै, तहिनङे एकेटा लोकके कारन मरल लोकसब जिके उठतै। जनङ आदममे सबकोइ मरैछै, तहिनङे खिरिस्‍टमे बिस्‍बास करैबला सबकोइ जिबित हेतै।

कथिलेत अपनासबके नास हैबला देह नास नै हैबला देहके रुपमे परिबरतन हेतै आ मरनसिल देह अमर रहैबला देहके रुपमे परिबरतन हैलेपरतै।

कथिलेत खिरिस्‍ट आपन सब दुस्‍मनसबके आपन टाङके तरमे नै राखैतलिक ओकरा राज करैये परतै। तैमे सबसे पछा नास हैबला दुस्‍मन त मिरतु चियै।