ខគម្ពីរពេញនិយមពី Romans 1

ចែក​រំលែក

For I am na blate anent the Joyfu‐message; for it is Godʼs pooer to save ilka ane wha lippens; first to the Jew, and eke to the Greek.

For the richtousness oʼ God, throwe faith, to thae that hae faith, is thus made plain, eʼen as it is putten doon, “The just sal leeve by faith.”

For the invisible things oʼ him, eʼen frae the warldʼs creation, are made plain to be seen by the things that are creatit — eʼen his eternal pooer and Godheid; that they micht hae nae excuse

For, comin to ken God, they magnifyʼt him‐na as God, nor gied him thanks; but their reasons war feckless, and their doitit heart was mirk.

Wha trokit awa Godʼs truth for a lee, and gied worship and service to what is made, raither than to the Maker — wha is blessed for aye; Amen!

For Godʼs wrath is made kent frae Heeven, again aʼ ungodliness and wickedness oʼ men, wha in wickedness haud the truth under

Sae for this, God gied them up to vile passions; for eʼen their weemen did change the natʼral use for what is contrar to natur; And eʼen sae the men, quattin the wumman, burned wiʼ desire ane to anither; men wiʼ men actin unseemly, and receivin in theirsels the reward oʼ their error as was due. And eʼen as they didna seek to keep God iʼ their mind, God gied them ower to a reprobate heart, to do things no fittin

Settin‐up to be wyss, they becam fules; And changin, they tint the glorie oʼ the incorruptible God in the form oʼ an image oʼ corruptible man, and birds, and fowr‐fittit beass, and crawlin things.