ខគម្ពីរពេញនិយមពី Romans 2

ចែក​រំលែក

And are ye lippenin to this, O man! wha are condemnin thae that practeese sic things as thir, and yet are doin them, that ye sal escape the judgment oʼ God? Or, dae ye licthlie the unco kindness, and forbearin, and lang‐tholin oʼ God; no takin tent that Godʼs gudeness wad fain lead ye to repentance?

Sae, ye are eʼen wantin aʼ excuse, O man! whasaever ye may be, that are condemnin; for whaur ye are condemnin anither, ye are condemnin yersel; for ye wha are wytin are siclike doin.

For thar is nae walin‐oot oʼ faces wiʼ God!

For it isna thae that hear the law that staun richt wiʼ God; but thae wha do the law sal be appruvʼd.

Wha will gie to ilk ane eʼen as his warks sal be

To thae, on the ither haun, wha contend, and follow‐na the truth, but follow ill — anger and wrath.

But, wiʼ yere dour and unrepentin heart, ye are heapin up for yersel wrath in wrathʼs day, and the schawin‐forth oʼ Godʼs richtous condemnation