ខគម្ពីរពេញនិយមពី Mâk 13

ចែក​រំលែក

Ghɨghə əkɨ̂m tə panə̀ ghàyn ə mì ezə. Pîza mə ə kol pîndè təmə se nduə tàyn ə mɨ̀se ə è tə kyî èzɔzaze.”

Ghàyn e tɔ̂ʼnə̀, fɨnə pfɨ̂tə̀, kûmə̀ nə ghàyn ke va nə shîŋə̀ ətəynke tə pə̂ zəynzə.

Ezhoghɛ ə kyi ndû è ghàyn elùʼ ə saʼve, kə ghàyn nə kayn mbi nə ghàyn nə̀ ndûə pîə nə ghe ə. Ghàyn pi ke èghɛ zɛ ə ze fɨ nə ghàyn pi ashìŋə̀ nə kɛ. Kûmə̀ nə ghɛ ghɛ ə ghàyn tə wàmnə̀, tə ndô pə̂ sê Zuʼse Ŋwaʼase ə̀ vachi sê ghàyn.

Kwutwəyn tə tsɛ̂ ndô, ə chike tsɛ ndo, pîza ə zaʼlê zɨmze tə tàʼa tsɛ ndò.

‹Wùə vîvè ke va tuʼfe è shîŋə̀ kɛ ghɛ nə ghɨynə tə kyâynə̀ ətəyn. Nâʼàpî sètsì ekwùtwəyn ke va, nâʼàpî Vâ Fèzhə̀ e ke va, ə̀ tsɛ̂ kə va Pɛ̂pɛ.

Ə ghàyn tə zɨə nə ə tɨmə èghɔŋ, èghɛ mɔ̀ʼɔ kûmə̀ èghɔŋ etɨmeze, kə ndɨmke tsɛ wùə. Ghɛ nə ghɨnə nyîə kyi se kyàyn, pîza e tyə̂ynə̀ va nə kwùŋseke ə pə̀yn.

Ghàyn e pfɨ̂tə̀ kûmə̀ nə ghàyn ke va nə pɛ̀ ndɛ nə pə̂ ashìŋə̀ àkè ə. Ə̀ kàʼa nyi ezhwikwɨlə, Ə̀ kàʼa nyi əfètəyn ètuʼ, ə̀ kaʼa nyi mə tuʼve zo pə̂ ndò, pî mə zhwize sè sa pə ndò. Ə wùə ə̀təyn pfɨ̂ŋə̀ pə̂yn, kə è kote mə ghàyn pɨəynə̂ ndò. Ghɛ zɛ ə m pîə sê ghàyn, m pîə kə se ghɨghe əkɨ̂m. ‘Ghàyn e tɔ̂ʼnə̀!›”

Ndaʼàtè tə nô tîte, fɔ̂yntè e nô tîte. Chike tə pə̂ ə ke ə nəʼə̀ ə telùʼ ə telùʼ, shumfe nyi kepî. Ghɨnə mə tə pə ə ghə nyi kə etɨ̂m əshi zɛ ə wùzhɔyn zɨə ə è nyì se pîə ə vayn.

Pîza tsɔfə kə mbi mi, ə kyi se tsâ tom èchùŋ sê ndaʼ tə mbi tekɨ̂m.

Ghɨə tə pə̂ se tsɨ̀ ə Mì ezə ə pîə nə ‘Ə̀ nyi Mi vɛ ə Zhə̀fè kɨmne!’ ə ghənə ə kyîŋsə̀ ə̀ghɨ tsɨə.

Ghàyn e tɔ̂ʼnə̀. Ə tə kyiə ghàyn ə ndu ə ndɛ̂ èsaʼ. Ə tə pusə ghàyn ə sendɛ sə atsɨ̀yntese, ə ghàyn fɨyn tyə̂m əghɨ tesaʼ ghə əshi, è fɔ̂yntè kè kûmə̀ mi. Zɨnə tə kyânə̀ kə ghàyn ndaʼa tom èchùŋ sê ghənə.

Ghɛ ə kaŋkaŋə pîə nə ə nyi vɛ Zhə̀fè chɔʼ ndə̀m, è ghɛ ə kaŋkaŋə pîə nə ə nyi sèfɨ̀aʼtè, tə fɨə mtuʼ nə mɛ. Ghənə tə nə̀ ə tyəynə̀ sèchwìə, fɨnə nə̂ əghɛ ə kayntəghe. Ghənə tə nə̂ nyiə se kyìŋsə nâʼàpî ə̀ghɨ Fèzhə̀ ghɛ ə Zhə̀fè chɔʼ, ə ghənə kyi ndom ətəyn.

Fumə mtuʼ, mə shîŋə̀ etsòs eghaʼâ nə kɛ ə tsɛ̀, ‘ə lɨmke kɨyte zhwize, ə njɔŋ ə fɨnə panə va, Lìmè tə tâyntə̀ fɨə ekwùtwəyn, ə twɔʼ vɛ ə ve nyi ekwùtwəyn nə̂ʼ kə èkɨ̂m.’