ខគម្ពីរពេញនិយមពី Mâk 12

ចែក​រំលែក

Njisə̀s ə pə̀ynsə̀ nə, “Lâŋ kɛ ə ke tsɨ̂ə tsɛ̂ pìə nə, ‹Ghàyn zɨte ə ghɨə Isìlâyghè, Pɛ̂pɛ Zhə̀fè ghasènìfe, ə̀ nyì ke Vəyn Pɛ̂. Kɔ̀ŋ Pɛ̂pɛ Zhə̀ fɛfe è təm ghɛghe əkɨ̂m, è zuʼ sɛ sekɨ̂m, è kwâʼtè zɛ zekɨ̂m, è tyaʼ kɛke akɨ̂m.› Kòmtèke nyi kɛ ə ke pîə nə, ‹Kɔ̂ŋ ànɛ̂ kè eghɨ kə ò kɔ̀ŋɔ̀ ngɨŋ zɛ̂zè.› Saʼ zhîze fɨyn va ə ze tsɛ̀ tɨnə tè pɛ̀.”

Njisə̀s ə tɔŋɔ sèchùmtè èpàm sə vəynse ə pîə sê ghənə nə, “M pîə sê ghàyn səmɔʼ nə, zhwîə kwu àfɨf vɨ̀yn ə fo kɛve, ve tsɨ̂ə tsɛ̂ nâʼà tə ghɨ̀ mkɛ tekɨ̂m. Ghɨə mkɛ ghɨnə fo mkɛ mê tsɛ̂ fɨ̂əm̀ ə ghənə mkɛ, pîza zhwîə kwu àfɨf vɨ̀yn ə fo mɨ̂sè pî fèkɛtə̀ fɛ ə è kyi sə̂ zhiə.”

Njisə̀s tè tsɨs paʼsê eluʼ vɛ ə tè fo fote ətəyn ə Ndɛ Ètsə̀mə naynə̂ kə ghɨ ndə̂mə̀ fo tə ghənə̂tè. Ghɨ mkɛ ə tsɨəghe e pə̂ mâʼtə̀ m̀kɛ me tsɨ̂əm̀. Pîza, zhwiə kwu afɨf vîvè ə pə̀ mâʼtə̀ èkɛ akas ə vəynve, mə ve nyi ke sètolə sepɛ̀.

Sə̂ kɔ̂ŋɔ̀ Fèzhə̀ è təm ghɛghe əkɨ̂m, è kwâʼtè zɛze ekɨ̂m, è tyaʼ kɛke akɨ̂m, fɨnə kɔ̂ŋɔ̀ èkɔ vɛve kè eghɨ kə ò kɔ̀ŋɔ̀ ngɨŋ zɛ̂zè, tsɨə tsɛ̂ ndò fote nyɔʼtəte, è fo təmɔ̀ʼɔ tɛ ə fo sê Zhə̀fè.”

Njisə̀s ə ke pì nə, “Ghàyn fo sê Kaysà fɨa kɛ ə̀ kyi Kaysà, ə fo se Zhə̀fè fɨa kɛ ə̀ kyi Fezhə̀.” Wâmnè ə vəynze ə nə̀, choze ə zomə ghənə.