ខគម្ពីរពេញនិយមពី युहन्‌ना 16

ចែក​រំលែក

हाव आहयी कळी मे तमने दुख झेलवा पड़हे। ते बी हीम्‌मत राखजो, मे आहयी कळी ने जीक लेदलो से। मे आहयी आखी वात आनीन करते केदलो से, के आव्‌वा वाळा दाड़ा मे तमु दुख झेलता जाय्‌न बी मारी मे सांती हात कर लेवो तेम।

जत्‌यार आत्‌मा आवहे, ता तीहयी तमने भगवान नी आखी सच्‌चाय भणी लीजवा करीन अगवाय करहे। काहाके तीहयी आह़फा नी अवड़ते कंय बी नी केय, बाखीन तीहयी जे कंय मारी पांह गेथु ह़मळहे तीहयुत केहे, अने आव्‌वा वाळी वात ना बारा मे बी तमने देखाड़हे।

हजु लग तमु मारा नाम सी कंय बी नी मांग्‌या। मांगो, ता भगवान तमने आप देहे, आनीन करते के तमारी खुसी पुरी हय जाय।

पण ते बी मे तमने ह़ाचलीन केम, मे जत रेही ता तमारी जुगु वारु रेहे; काहाके मे नी जाम, ता तमने सात देण्‌यो तमारीन्‌तां नी आवे। पण मे जही ता ते सात देण्‌या ने तमारीन्‌तां मोकल देही। अने जत्‌यार चोखली आत्‌मा आवहे, ता तीहयी आहयी कळी ना माणहु ने आहयु उजन्‌तु कर देहे के पाप नीयाव ना बारा मे गलत, अने भगवान नी खराय ना बारा मे संय से।

हेमेत हमणे ते तमु बी दुखी से, बाखीन मे तमने अळी भेटही, तत्‌यार तमारा मन मे बी खुस हय जहु; अने तमारी खुसी ने तमारी पांह गेथी कोय सी नी हपकाये। ते दाड़े तमु मारी पांह कंय बी नी मांगो: मे तमने ह़ाची-ह़ाची आहयु केम, कदीम तमु भगवान बाह पांह मारा नाम सी वीन्‌ती करीन मांगहु, ता तीहयो तमने आपहे।

मे तमने ह़ाची-ह़ाची केम, के तमु रड़हु अने कलपहु, पण आहयी कळी खुस हयहे अने तमु दुखी हयह़ु पण तमारो दुख खुसी मे बदल जहे।