ខគម្ពីរពេញនិយមពី युहन्‌ना 15

ចែក​រំលែក

मे अंगुर नो वेलो से, अने तमु मारा डाळ्‌या से। मारी गेथा आंग्‌ये हय्‌न तमने कंय बी नी कराय। एतरे जे मारी मे जोड़ायलो रेय अने मे तीनी मे जोड़ायलो रेम, तीहयो घणो फालहे।

तमु मारी मे बणला रेवो अने मे तमारी मे जीसम डाळ कदी थुड़ मे बणीन नी रेय, ता आह़फीत नी फाल सके, तेमेत तमु बी कदीम मारी मे बणीन नी रेवो ता तमु बी नी फाली सको।

कदी तमु मारी मे जोड़ायला रेहु, अने मारी ह़ीकापण ने पाळता रेहु, ता जे जोवे तीहयु वीन्‌ती करीन मांगजो, अने मे तमने आप देही।

तमु मने नी टाळ्‌या, पण मे तमने टाळीन मारा कामे लगाड़लो से, के तमु मारा नाम सी भगवान पांह वीन्‌ती करीन जे कंय मांगहु, तीहयु भगवान बाह तमने आप देहे। अने आसम करीन तमु जाय्‌न तमारी जीवाय मे जलम रेण्‌यान मेर पकाड़ो।

आह़फा ना दोस्‌तीदार्‌या ने मोंग करीन तीमनीन करते मरवात आखा गेथो मोटो मोंग से। आहया मोंग गेथो कानो बी मोंग मोटो नी हय।

जे डाळ नी फाले, तीने मारो बाह वाडी नाखे, अने जे फाले, तीने तीहयो साटे के अळी बी वदु फाले।

मारो हुकम आहयो से के जीसम मे तमने मोंग करलो से, तेमेत तमु बी एक-बीजा ने मोंग करता रेजो।

तमु घण ढेरका फोळ लावहु, ता मारा भगवान बाह नी बड़ाय हयहे, तात तमु मारा चेला बण जहु।

खरलो वेलो मेत से अने मारो बाह कीरसाण से।

जे मारी मे जोड़ायला नी रेय, तीहया ते डाळ्‌या ह़रका से, जीने कीरसाण वाडीन नाख देय, अने तीहया ह़ुक जाय। अने कीरसाण ते डाळ्‌या ने चुटीन आक्‌ठा मे नाख देय अने तीहया धप जाय।

मे तमने आहयी वात आनी करते केदो, के मारी खुसी तमारी मे बणीन रेय, अने तमारी खुसी पुरी हय जाय।

मे मारा बाह नो हुकम पाळतो जाय्‌न तीना मोंग मे घोळायलो रेम, तेमेत तमु बी मारा हुकम पाळहु, ता तमु मारा मोंग मे घोळायला से।

मे तमने आहयो हुकम आनीन करते आप र्‌यो, के तमु एक-बीजा ने मोंग करता रेय।

कदीम तमु आहयी कळी ना माणहु रेता, तत्‌यार तीहया आपणा ह़मजीन मोंग करता, पण मे तमने आहयी कळी ना माणहु मे गेथा टाळ लेदलो से, करीनेत तीहया तमारी भणी खार करहे।