ខគម្ពីរពេញនិយមពី युहन्‌ना 17

ចែក​រំលែក

ए भगवान बाह, तारो बोल खरलो से। आहयी सच्‌चाय नी लारे आमने तारी सेवा जुगु चोखा करीन तीयार कर।

एकीत खरलो भगवान तुत से अने मे, ईसु तारी लारे सोड़ावण्‌यो मसी से, तने अने मने जाणीन मानवा सीत माणहु ने अमर जीवाय जड़े।

“मे आमनी जुगु एतरोत नी वीन्‌ती करतो, पण तीमनी जुगु बी वीन्‌ती कर र्‌यो, जे आव्‌वा वाळा दाड़ा मे आमनी वात ह़मळीन मारी पोर भरहो करहे।” “मे वीन्‌ती करु, के तीहया आखा एक हय जाय। ए बाह! जीसम तु मारी मे से अने मे तारी मे, तेमेत हीय्‌या बी अमारी मे एक हय जाय, आनी सी कळी ने भरहो हय जहे के तु मने मोकल्‌लो से।

मे आहयी वीन्‌ती नी करतो, के तु तीमने आहयी कळी मे गेथा लीजती रे; पण आहयु के तु तीने बुराय सी बचाड़।

अने तीहयी बड़ाय जे तु मने आपलो से, तीहयी मे तीमने आप देदलो से, के जीसम आपणु एक से, तीसम तीहया बी हये। मे तीमनी मे अने तु मारी मे, जीनी सी तीहया पुरी रीते एक हय जाय अने आहयी कळी ना माणहु जाण लेय के तु मने मोकल्‌लो से अने जे रीते तु मने मोंग कर्‌यो तेमेत तीमनी सी बी मोंग करलो से।”