ខគម្ពីរពេញនិយមពី Mbete 1 Piyer 4

ចែក​រំលែក

Mí mahɓayri gbam ɓa rí̧h si̧w sa hani law mbew, ɓa mgbá haniri ɓa suki dan ŋgu̧hru ɓay. Ɓay fe le sá hani gboh su̧hru seh ma pol .

A ge ge le Ŋgerzah hi̧ ni goso pihna ye goso pihna ye ɓay kú so keni haniri kandɔk gun-laɓ pihna a kpakpaŋuri ké mgba sa̧w lawsukiri ké Ŋgerzah wal.

Wara le nzuk ɓah ɓay le, ké ɓah ɓay ké Ŋgerzah ɓaŋ ndoh nzak ye. Nzuk ké ƴo so nzukri, ké so nzukri ke huhrumun ké Ŋgerzah hi̧ ni, ɓay hi̧ fe laɓna woyri gbam ɓá el ke riŋ ɗina hi̧ Ŋgerzah ɓay riŋ Ŋgermbay Zezu a ye ké riŋ ɗina ke ŋgerna ɓa nzuku a ye sew ke sew kpatara. Gelu munu.

Mí ke ziŋ koseh ɓay riŋ Ŋgermbay ké na tul ye le, ké laɓ su̧hru ya. Ké pir Ŋgerzah ɓay riŋ ɗina-aw ra ma.

Nam-ɔh tukala ɗih mba dale, í ker ɓay ke nun a teh-u, í mgba tul woiri dale, í goŋ keni Ŋgerzah.

Gun sanari, koseh ké tɔk law woiri ɓá na wuri ɓa saŋ ya, ɓá mba kerɓay woiri ya. Wara le í laɓ law rihna kandɔk ké i mbu̧h mbew ziŋ Ŋgermbay ɓil koseh ye. Koseh ké ziŋ Ŋgermbay ra ziŋ wuri pi, ɓay hi̧ í zay mun ke law rihna a mbamba-u ɓay riŋ ɗina ye ké ten mun ké sakra woiri.

Mí mahɓayri gbam ɓa rí̧h si̧w sa hani law mbew, ɓa mgbá haniri ɓa suki dan ŋgu̧hru ɓay. Ɓay fe le sá hani gboh su̧hru seh ma pol .

Kandɔkaw mí sam kosehri ké Ŋgerzah yih, ké nzukri ko ra kú poŋ mun woyri ƴɔɗ ké ndɔk Nzuk-ƴo tul pihna ké-e laɓ ke titilu da̧y, kú toŋ laɓ suki keni.

Kandɔk Ŋgermbay ké ko seh ké mun ye ra, a woiri kara í lek mun woiri ke kerɓay mbew yaŋ ziŋ ni. Ɓay fe le nzuk a a̧y ké tu koseh tu le gba ke suya da. Nzuku ƴo mbi mun ye rih ɓil fe laɓna ɗaka sa̧y fe tukala mba. Wara le ke ƴo mbi mun ye laɓ fe ké rih law Ŋgerzah ke tɔ́r nam ye ké tukala-ay.

Ku far wuri ɓay riŋ Ŋgermbay ké kan tul woiri le, pol tehna ƴo ziŋ wuri ɓay fe le, Tem Ŋgerzah ké ɓa Tem riŋ ɗina kaɓ ziŋ wuri.