ខគម្ពីរពេញនិយមពី Matthew 6

ចែក​រំលែក

Neh tanon taseȣatierent seȣesak ne Niio rahonakerasera, nok ne kenh iohaȣiton aksekon nehne ok tentkonne.

Tosa kati tonseseȣennikonrharak toh naiaȣenne tsi enhiorhenne; aseken enkene nenhiorhenne tsi nateiotonȣentsiohon; seȣenniseratson se ȣahi niiokȣeniatsera.

Nese ȣaonni kȣarori, katon: Tosa teseȣaterientarak tsi tsionnhe, tsinahoten enseȣake, tsi oni nahoten enseȣanekira; tsioni niȣaststane seȣaieronke, nahoten aeseȣatseronniate: iahken senha atonnhest tekanoron tsiniiot natennatsera, nok oni ne ieieronke tsiniiot ne iontseronniatha

Nok tanon nise nensaterennaien satatennhoton sanonskon, teiakanerese ne Ianiha tsi saterennaien; nok ne Ianiha ne tiotkon teiakanere tsi oni nonȣe niiotaseton, ȣene enronni nʼonen henhiatonraseronse.

Kenh kati nenseȣaiere nenseȣaterennaien: Takȣaienha ne Karonhiake tesiteron! aiesasennaien! Aiesaȣenniiostake! aiesaȣennarakȣake nonȣentsiake tsinitiot ne Karonhiake tiesaȣennarakȣa.

Takȣanont ne kenh ȣente iakionnhekȣen niateȣenniserake.

Sasanikonrhen ne ionkȣariȣaneren tsi niiot nii tsionkȣanikonrhens nothenon ionkhinikonraksata.

Nok tosa aionkȣasenni ne kariȣaneron; ehren tanon takȣariȣakȣiten ne iotaksens, aseken ise ne tsiniienhenȣe ensenakereke, kasastensera oni Kanentonsera iah takariȣentane. Amen!

Aseken nentsiseȣanikonrhen tsinikon iotsinikonraksaton nonkȣe, enshonikonrhen ki oni nise tsinikon hetsiseȣanikonraksaton ne Etsiseȣaniha Karonhiake thenteron.

Teseȣaiatoret notsitenhokonha; iah tekontiienthos, iah oni tekontiientȣakȣas, iah oni othenon tekonteȣeientons ne kanonsoharakeson; nok sane sakonontens nʼEtsiseȣaniha Karonhiake thenteron. Iah onteken senha ise tetsiseȣanoronkȣa tsiniiot nʼononha?

Tosa seȣarorok nonȣentsia ahotsokoȣatsera, otsinonȣa, oskenra oni entiatekȣisa, ne oni ne sakonasetha rotinikonrotakȣas ratinenskȣas oni, Neh tanon seȣatateroroks Karonhiake tiostsokoȣatsera, nʼiah othenon tekontiierha notsinonȣasonha, iah oni ne ratinenskȣas. Aseken tsinonȣe nikaien ne seȣatsokoȣatsera etho ki oni nonȣe iekaien ne seȣeri.

Iah taonton onka tekeni taokosȣetseraientake; aseken tokat saiatatenhosȣen, onhononȣene ne saiatat; ok neʼsʼenʼs ne saiatat enhokonnienste, enhokenron ki ne saiatat, iahkati oni nise taonton ne sataietsiiotense, ne Niio tanon notkonseraksen.

Iah onteken senha ise tatsiseȣaseronni tsiniiot nʼohontesonha, nonȣa iohniote, nok nʼenhiorhenne kakiok nonȣe ienȣation, O Kanoron ki onte oni tsi seȣanikonrasto?

Kenh tanon nasiere nʼashetenre, tosa ȣattok ne sesonekȣati tsiniȣatierha ne tsi Seȣeientetakon. Tosa senestonhak tsi satanitenron; nok ne ianiha nʼiah othenon tehotrenhostenni, ȣene enhronni tsi tenshiariȣaserakȣase.

Seȣanikonrarak tosa ȣene kenhak nonhietsitenre ne iakotent, nʼaionttokanion; aseken iahki othenon tatatsiseȣariȣaserakȣase ne Etsiseȣaniha Karonhiake tenteron.

Nok nenseȣentontiete, tosa tenseȣatkonsastaren tsinihatiierha ne Kaianeren ronatkonȣaroron, nʼia-taonsahatiierkenhaʼsʼ akȣekon aionttok tsi ronentontieton. Oriȣiio tsi kȣarori tsi iehatiiatentatha. Nok tanon nise, satkonsohare, satoka oni nʼonen sentontietane. Ne tosa aionttok, nok tanon ne Ianiha akȣekon tehakanere, raonhaa teiakanere tsi nonnisataseton, ȣene enronni nʼonen tenhiariȣaserakȣase.