1
2 Koriinto 4:18
Wori Haaggane Yeesso Kiriisto Miinsan Ayyinti Husube Waakh Enenyet Igooche
rel
ꞌDeerka nah wihi laargo menye, wihi liiargine mujjum fiirinna. Iꞌdi tahe wihi laargo a wihi geeddoor on jiro, iꞌdaasenyi wihi liiargin a wihi jirtuu tuumman imassan.
ប្រៀបធៀប
រុករក 2 Koriinto 4:18
2
2 Koriinto 4:16-17
Maantaka chirri sarteenyo tamuut laka, nah yombuu yombo ma inokhanni rubeyoheenyo kol dakkhan a lamiigoocha. Iꞌdi tahe sinayyohaar ꞌdabakhe a wihi geeddoor one, wihi icho keenaan la a ababnaanki weyti khummane jirtuu tuumman imassanne sinayyohaas kussan.
រុករក 2 Koriinto 4:16-17
3
2 Koriinto 4:8-9
Amam tuumman ka a nah lamarche, iꞌdaasenyi ma nah laajjebcho. Uurlammaale khabna iꞌdaasenyi ajjibaat ma khaanno. Sina nah loomhicha, iꞌdaasenyi Waakh ma nah ꞌdiicho. Kolossoo il nah lakaguꞌdda, iꞌdaasenyi rubey ma nah lakabahcho.
រុករក 2 Koriinto 4:8-9
4
2 Koriinto 4:7
Iꞌdaasenyi inno a iꞌdoo inno kamurroonka ꞌdiryo goya kijiro sarteen ka khabno, ꞌdee miigti miig tuumman kussan inno ma inno katamiite, Waakh katamiit.
រុករក 2 Koriinto 4:7
5
2 Koriinto 4:4
Seytaanki waakkhi harratee malassi ꞌdooꞌdi Kiriisto irummeysan a hide, ꞌdee banayhi Wori Haaggan ma argaan. Banayha la a Wori Haaggane Kiriistohi weynaan leh.
រុករក 2 Koriinto 4:4
6
2 Koriinto 4:6
Iꞌdi tahe Waakkhi, “Mugꞌdi goyaka banay a soobaheen,” yidah rubeytiissa banayhiis uurasseen goya kiifche, ꞌdee garanti inno ababnaanki Waakh garanni inno siicha. Ababnaankaas fool Kiriisto kasooababa.
រុករក 2 Koriinto 4:6
គេហ៍
ព្រះគម្ពីរ
គម្រោងអាន
វីដេអូ