ខគម្ពីរពេញនិយមពី GÉNESIS 12

ចែក​រំលែក

Mirayniykimanta ruwasaj uj jatun aylluta; bendicisqayki, sutiyki may yuyarisqa kanqa, qannejta wajkuna bendicisqas kanqanku. Qampaj allinta ruwajkunapaj allinta ruwapusaj, qampaj mana allinta ruwajkunatarí maldicisaj. Qannejta bendicisqas kanqanku tukuy ayllus kay jallp'a patapi kajkuna.

Uj kuti Señorqa Abramman nerqa: Saqey jallp'aykita, ayllusniykita, tataykej wasintawan. Jinaspataj ripuy, noqa rikuchisqayki chay jallp'aman.

Abramtaj Harán jallp'amanta llojsiporqa Señorpa kamachisqanman jina; Lotpis paywan rerqa. Abramqa qanchis chunka phishqayoj watasniyoj karqa, Canaán jallp'aman ripushaspa.

Chaypi Señorqa Abramman rikhurerqa, nerqataj: Kay jallp'ata mirayniykiman qosaj. Abramtaj chaypi uj altarta Diospaj ruwaporqa, chaypi Señorqa payman rikhurisqanrayku.