ខគម្ពីរពេញនិយមពី FESUOKNA 7

ចែក​រំលែក

Chun, LALPAIN Mosie kuomah, “En ta, Pharao kuoma chun Pathien angah ka siem cheh a; chun, i unaupa Aron chu i zâwlnei nîng a tih.

Nisienlakhawm, Pharao lungril chu sukngar ka ta, Aigupta rama chun ka thilmakhai le ka inchiknahai chu sukpung ka tih. Pharao chun in thu chu ngai naw nih a, chuongchun, Aigupta chunga chun ka kut thlâk ka ta, ka mipuihai, ka mi Israel thlahai chu, rorêlna nasatakhai hmangin Aigupta rama inthawkin ṭhuoi suok ka tih.

Aigupta chunga chun ka bân ka phar a, Israel thlahai chu anni laia inthawk ngeia ka ṭhuoi suok pha chun, Aigupta mihai chun LALPA ka ni ti mi hre tâng an tih,” a tih a.

Chun, Pharao khawmin mi varhai le dawithiemhai a ko khâwm a, Aigupta aisânthiemhai khawm chun dawi hmangin chuong ang tak chun an thaw ve tah a. Mi tin chun an hmawl chu an pei thlâk a, rûlah ân chang seng a, nisienlakhawm, Aron hmawl chun an hmawlhai chu a lem tah a.

Hieng hin LALPAIN a tih, Hitaka hin LALPA ka ni mi hrieng i tih, ngai ta, ka kuta hmawl um hin vadunga tuihai hi zuk vuong ka ta, thisenah inchang an tih.

“Pharao chun, ‘Thilmak chu hang inentir ta u le,’ a ti pha cheu chun, Aron kuomah, ‘I hmawl la la, Pharao hmaah pei thla rawh,’ tîng i ta; chun, rûlin inchang a tih,” a tih a. Chun, Mosie le Aron chu Pharao kuoma chun an va lût a, LALPAIN thu a pêk ang tak chun an thaw tah a: Aron chun Pharao le a siehlawhai hmaa chun a hmawl chu a pei thlâk a, rûlin a hung inchang tah a.