ខគម្ពីរពេញនិយមពី Chivkeeb 22

ចែក​រំលែក

Anplahaas txhaj tis npe rua qhov chaw ntawm hu ua, “Tug TSWV yog tug kws Npaaj tseg.” Txawm yog najnub nwgnuav los tuabneeg tseem hu has tas, “Sau tug TSWV lub roob, Nwg yog tug npaaj tseg.”

Vaajtswv has tas, “Cale coj koj tuableeg tub Ixaj kws koj hlub tshaajplawg, moog rua peg cheebtsaam Mauliyas. Koj muab nwg tua hlawv ua khoom fij pub rua Kuv sau lub roob kws Kuv yuav qha rua koj.”

Tug timtswv has tas, “Tsi xob tua tug mivtub ko lossis tsi xob ua ib yaam dlaabtsi rua nwg hlo le; nwgnuav Kuv paub lawm has tas koj fwm hab noog Vaajtswv lug heev, ruaqhov koj tsi khauvxwm koj tuableeg tub, koj zoosab hlo coj tuaj pub rua Kuv.”

Anplahaas teb tas, “Mivtub 'e, Vaajtswv yeej yuav npaaj ib tug mivnyuas yaaj lug rua wb tua hlawv ua khoom fij xwb.” Tes obtug ob txivtub txawm uake taug kev moog lawm.

Kuv txhaj coglug tseg rua koj has tas Kuv yuav pub koj muaj caajceg coob npaum le tej nubqub sau nruabntug, lossis npaum le tej xuabzeb nraag ntug havtxwv. Koj tej caajceg yuav kovyeej puab cov yeebncuab. Vim koj noog Kuv lug, txhua tsaav tuabneeg kws nyob huv qaabntuj nuav yuav tau txais koobmoov lug ntawm koj caajceg.”

Tau ib ntus tomqaab nuav Vaajtswv txawm sim Anplahaas sab. Vaajtswv hu Anplahaas has tas, “Anplahaas!” Anplahaas teb tas, “Kuv nyob ntawm nuav.”

Tabsis tug TSWV tug timtswv txawm hu tawg ntho sau ntuj tuaj rua nwg has tas, “Anplahaas, Anplahaas!” Nwg teb tas, “Kuv nyob ntawm nuav.”

Tug TSWV tug timtswv rov hu sau ntuj tuaj rua Anplahaas ua zag thib ob has tas, “Kuv coglug lug ntawm Kuv lub npe has tas Kuv yuav foom koobmoov nplua-mag rua koj, tug TSWV yog tug has le nuav. Ruaqhov koj tau ua lawvle Kuv has hab koj tsi khauvxwm koj tuableeg tub kws koj muab fij rua Kuv.

Thaus obtug moog txug ntawm qhov chaw kws Vaajtswv qha rua Anplahaas lawm, Anplahaas txhaj teeb tau ib lub thaaj hab muab tawg tib txeem npo rua sau lub thaaj ntawd. Nwg txhaj muab nwg tug tub paav hab coj moog tso rua sau lub thaaj, kws yog sau cov tawg.