ខគម្ពីរពេញនិយមពី Chivkeeb 21

ចែក​រំលែក

Tug TSWV tau foom koobmoov rua Xalas lawvle tej lug kws Nwg tau cogtseg lawm

Vaajtswv nov tug mivnyuas ntawd lub suab quaj, Vaajtswv tug timtswv txhaj has sau ntuj tuaj rua Hankas has tas, “Hankas, koj ntxhuvsab ua dlaabtsi? Tsi xob ntshai. Vaajtswv tub nov tug mivtub lub suab quaj lawm. Cale sawv moog muab nwg tsaws lug puag hab ua tuabzoo ntxag nwg. Kuv yuav ua kuas nwg muaj caajceg fuamvaam coob moog ua tau ib tsaav tuabneeg.”

Xalas txhaj xeebtub hab yug tau ib tug tub rua Anplahaas thaus kws Anplahaas tub laug lawm. Tug tub nuav yug lawvle lub caij kws Vaajtswv teem tseg ca lawm.

Xalas txhaj has tas, “Vaajtswv tau muab txuj kev zoosab hab lub suab luag rua kuv. Txhua tug kws nov zaaj nuav puab yuav nrug kuv luag.”

Tabsis Vaajtswv has rua Anplahaas has tas, “Tsi xob ntxhuvsab txug tug tub hab txug koj tug ntxhais qhev Hankas. Cale ua lawvle Xalas has rua koj, ruaqhov koj yuav muaj caajceg coob lug ntawm Ixaj lawvle Kuv tau coglug tseg rua koj lawm.

Kuv tseem yuav pub rua tug ntxhais qhev ntawd tug tub kuas nwg muaj tub muaj ki coob heev kuas puab dlhau moog ua tau ib tsaav tuabneeg hab; Nwg los kuj yog koj tug tub ib yaam nkaus.”