ខគម្ពីរពេញនិយមពី 1 Corinthians 12

ចែក​រំលែក

Ilitqusiġiksuam iḷitchuġipkaġuugaa God-im suaŋŋataa atausiullaavluta uvaptigun, anniqsuqsaqługich aŋaiyyuliqiruat iluqaisa.

Iluqavsi atausiurusi, iñullaaguvlusi sulliñiġimmatun Christ timaata itkaasi.

Atausiq iḷauruaq isumaaluusiqpan, iluqaġmiŋ iḷauruat isumaaluutigigaat, naagga atausiq iḷauruaq isumakkusiaqaġluataqpan, iluqaġmiŋ quviatchaktaurut.

Ilitqusiġiksuam uqaqtillagaa iñuk isumattutikun, allasuli iñuk uqaqtillavlugu iḷisimmatiqaqtiłługu atausiuruam Ilitqusiġiksuam. Atausiuruam Ilitqusiġiksuam allaptauq iñuk suaŋalluktuamik ukpiġutiqaqtillagaa, suli alla aitchuusiaqaqtillavlugu iłuaqsiriñiġmik atausiuruam Ilitqusiġiksuam. Suli Ilitqusiġiksuam allaptauq savaktillavlugu aliuġnaqtuanik, aasiisuli alla iñuk uqaqtaullavlugu God-mun, allasuli iñuk puttuqsrisiqaqtillavlugu nalliaŋnun Ilitqusiġiksuamullu naagga iḷumun ilitqusiuŋitchuamullu iñuk aŋalatilaaŋanik, allasuli uqaqtillavlugu iñugiaktuanik uqautchiñik naluraŋiñik, aasiisuli sut uqautigikkaŋi, allamun iñuŋmun mumiksillavlugich nalugaluaġmiruamun taavrumiŋa uqautchimik.

Iluqaġmiŋ tamatkua ikayuusiat aitchuutaurut uvaptiŋnun atiruamiñ Ilitqusiġiksuamiñ atausisualuuruamiñ, aasii autaaqługich atausiullaavluta uvaptiŋnun, aitchuutit isummatigikkani pigiraksraġivlugich uvaptiŋnun.

Tainna God-im sivuniqaŋagaa timi itquvlugu, sulliñipayauraŋi timipta atautchisun itquvlugich, qaunagilluataquvlugich iluqaisa atunim. Tainnatun God sivuniqaŋaruq iluqaisa ukpiqtuat iñuuniaqatigiiquvlugich atilutiŋ.

God-im aitchuġaatigut iñugiaktuanik allakaaġiiñik ikayuqtiksraptiŋnik savautiguptiŋni, aglaan atautchim atiruam Ilitqusiġiksuam pigipkaġai iluqaisa uvaptiŋnun. Allakaaġiiksuat savaaksrat God-mun ittut, aglaan iluqata savautigikput atausiq Ataniq. Suli allakaaġiiksuat savaurriñġich inmiut savaaqaqtuni God-im savaaŋiñik, aglaan atausiuruam God-im iluqata savaktitkaatigut savaamiñik.

Aasii aŋaiyyuliqiruat akunġanni God piksraŋaruq sivulliġivlugu, iñuich tilirauvlugich alġaqsruitquvlugich, igḷuani uqaqtiksranik God-mun, piŋayuagni iḷisaurriksranik, maanna aliuġnaqtuanik savallaruanik, tamatkuniŋalu iłuaqsiriḷḷaruanik, ikayuiruksraniglu, ataniġnaqutiqaqtuallu, uqallaruallu allakaaġiiñik uqautchiñik naluramiŋnik.

Timi sulliñiqaqtuq iñugiaktuanik. Atausił̣hiñauluni sulliñiġuŋitchuq.

Aglaan uvva, iḷaŋi timim qiññaqaqtuat anniqsuutauvigruaŋitchuatun piitchuipiaqtut.

Timi iluqani iraukpan, iñuk tusaallayumiñaitchuq. Timi-suli iluqani siutaukpan, iñuk naiḷaiññayaġmiuq. Aglaan God-im tainna savaŋaitkaatigut. God-im savaŋagai timivut iñugiaktuanik sulliñiqaqługich, aasii ilaisigullaa inillakługich timim sulliñillaaŋa sumun pisukamiuŋ. Timi iluqani atausił̣hiñauluni sulliñiġugaluaqpan timaunayaitchuq.