1
1 Corinthians 13:4-5
Iñupiatun Mumiksat Uqalugiksuat
INUPIAQ
Iñuk piviuttaqsriruaq iñuŋnik allanik qanułłayaitchuq taluġnaitchuġlu killuqsrautaitchuġlu uqavigaaġurriḷaitchuġlu. Iñuk piviuttaqsriruaq iñuŋnik allanik piġuqtilaitchuq inmiñik salliuniatalaitchuġlu. Iñuk piviuttaqsriruaq allanik iñuŋnik siŋñataitchuq, piavsayaiñmiuq, suli tumaqsiġiiḷaitchuq sunŋutchaunmiñ.
ប្រៀបធៀប
រុករក 1 Corinthians 13:4-5
2
1 Corinthians 13:7
Iñuum piviuttaqsriruam allanik iñuŋnik manimmiḷḷagai pimaqłuutiŋich allat, ataramik ukpiġivlugu nakuuniqsraq iñuktigun, ataramik ququutivlugich pigigñiqsranik allat iñuich, suli manimmiḷgutiqaqtuiññaqłuni allanun iñuŋnun.
រុករក 1 Corinthians 13:7
3
1 Corinthians 13:6
Iñuk piviuttaqsriruaq allanik iñuŋnik suuramikunnii quviasulaitchuq iñuich piḷuktualiqimmata, aglaan quviasuguuruq iñuich nalaunŋarualiqimmata.
រុករក 1 Corinthians 13:6
4
1 Corinthians 13:13
Tavra iñuich ukpiqsimaniaqtut suli, niġiugniaqtutsuli, piviuttaqsriḷutiglu suli, aglaan taapkunaŋŋa piŋasuni piviuttaqqutiqaġniq allanun anniqsuutaułhamaapiaqtuq.
រុករក 1 Corinthians 13:13
5
1 Corinthians 13:8
Piviuttaqqun inniaqtuq isuitchuamun. Aglaan aitchuusiaqaġniq uqaqtauniġmik God-mun piiġñiaqtuq, suli aitchuusiaqaġniq uqallasivḷugu iñuk nalukkaŋiñik uqautchiñik nutqaġniaġmiuq, suli aitchuusiaqaġniq God-miñ iḷisimallasivḷugu suna sivuani iḷisimaraiñŋaruaq, piiġñiaġmiuq.
រុករក 1 Corinthians 13:8
6
1 Corinthians 13:1
Aitchuusiaqaġaluaġniġuma uqallaniġmik allagiiñik uqautchiñik nalukkamnik, uqallaluŋa allatun iñuktitun isaġuliktullu, aasii piviuttaqqutaiḷḷuŋa allanun iñuŋnun, uqaġniġa arriqaqtuq qukiġñaqsivḷugu kausugrukkaŋatitun savił̣hatun.
រុករក 1 Corinthians 13:1
7
1 Corinthians 13:2
Suli aitchuusiaqaġmiguma uqaqtauniġmik God-mun, kaŋiqsiḷḷalugich iluqaisa sivuani kaŋiqsiḷaisaŋich iñuich iḷisimaluŋa supayaanik, naaggaqaa suaŋapiaġataqtuamik ukpiġutiqaġaluaġuma nuktallalugich iġġich aasii piviuttaqqutaiḷḷuŋa iñuŋnun, anniqsuutauŋitchuŋa.
រុករក 1 Corinthians 13:2
8
1 Corinthians 13:3
Aitchuutigigaluaġmigupkich supayaurat pigikkatka iḷiappauruanun iñuŋnun, naaggaqaa timiga ikipkaqtitkaluaġupku pisigilugu tusaayugaaġiksuaq, aasii piviuttaqsriŋiḷḷuŋa iñuŋnik, akiḷiusiaksraitchuŋa.
រុករក 1 Corinthians 13:3
9
1 Corinthians 13:11
Taamna uuktuutiqaġumiñaqtuq uumiŋa. Miqłiqtuuŋŋaġma, uqausiqaŋaruŋa miqłiqtum uqausiatun, suli miqłiqtutun isummasiqaqłuŋa, sivunniuġuuvluŋalu miqłiqtutun. Aglaan agliraksraiqama, aġiuŋagitka miqłiqtut piḷġusiŋich.
រុករក 1 Corinthians 13:11
គេហ៍
ព្រះគម្ពីរ
គម្រោងអាន
វីដេអូ