ខគម្ពីរពេញនិយមពី 1 TIMOTI: 2

ចែក​រំលែក

Kapcnc Ru:ncpvncbv ako dung, odokkc Ru:ncpvnckclang tani:kvdv:dok pongkokdo du:yancko ako dung, cdc Kristo Jisu tani:dc, sc:kobv avdc appvngkc lcgangc dorrennakupc bipaksutonc, lukanbinamdc akodc ayir pv:dardo lubikaji.

Appv:lok adangarpo:pc, cdcmpila, ngo lulvgdung jc kumna lunamkvdv:dcm, kumnamcmbulu, amikc lcgangc kumnamcm, odokkc aipai binamcmbulu appvng tani:ycm bilangka, Kapcnc migomkvdv:dc odokkc appv:dc sc:kobulu bottcnnc ager gerkolo du:nc, jc ngolu ansv:nc odokkc mcngannc turnamcm turdopc, dormokanc odokkc mcnggcnammc appvng lambclo.

Ngo pa:pc cmna mc:dag odokkc jc appvng dungkolo milbong tani:kvdv:dc kumpcnammc, angunnc alagkvdv:dcm lagsa:la aglvng sa:ma:pc cdcmanggom pamvnsuma:pc; nc:ngkvdv:dc:sin buluk avkvdv:dc gcnamcm kangkano:pc aiyo:pc gcsv:supcnammc odokkc mc:josagjo:la gcnambomnam attarcm aipc gcpcnammc, dumvdcm ta:pet petsuma:pc cdcmanggom avncm cdcmanggom mukutang doksori:ycm cdcmanggom kvnggv:pc arckanc gcnambomnamcmmang cmpige:la ainc ager gernam kvdv:dokki. Kapc dormo inc nc:ngkvdv:dokkcpc aidagji.