Ծրագրի մասին
Քանդի՛ր Անհաշտության Պատնեշները Օրինակ
Ստացեք հավելվածը
Քանդի՛ր անհաշտության պատնեշները
Աստծո համար թանկ ու սիրելի զավակ, աղոթում եմ, որ քո կյանքի դժվարությունների վերահսկողութունն ամբողջությամբ հանձնես Աստծուն՝ անկախ նրանից, թե որքան ցավ ես կրում հիմա։ Նա է քեզ ազատողը ամեն կապանքից, որ խանգարում է քո լիարժեք ու խաղաղ ապրելուն։
Սիրելի՛ բարեկամ, այսօր շարունակելու ենք մեր զրույցը խաթարված հարաբերությունների բժշկության թեմայով։
Ստորև կանդրադառնանք հաշտությանը խանգարող պատնեշները քանդելու երկու քայլերի։ Ահա դրանցից առաջինը․
- Լիովին հանձնվել Աստծուն
Հնարավոր է, որ մենք էլ մեզ միայնակ զգանք մեր կյանքի փոթորիկներում, ինչպես Տեր Հիսուսի աշակերտներն էին հայտնվել փոթորկվող բաց ծովում։ Մեր երկնային Հայրը մեզ թույլ կտա առաջ ընթանալ։ Բայց լինում են ժամանակներ, երբ մեր ուժերով ընտանիքի հոգսերը հոգալու, Տիրոջ խոստացած օրհնություններին հասնելու ճանապարհին կամ մեր սիրելի մարդկանց խնդիրները հարթելիս մենք լիովին ուժասպառ ենք լինում։ Մենք շարունակում ենք պայքարել դժվարությունների ալիքների դեմ, քանի դեռ մեր ձեռքերը չեն թուլացել։ Կամ․․․ դիմում ենք Աստծուն և ստանում ենք Նրա օգնությունն ու անվերապահ աջակցությունը։ Սեփական ուժերին ապավինելն ու չափազանց ինքնավստահ լինելը Աստծո հետ հաշտվելու մեծագույն խոչընդոտն է։
- Սովորել ներել
Տարատեսակ կոնֆլիկտները ցավ են պատճառում և կարող են թողնել հուզական կամ նույնիսկ հոգևոր սպիներ։ Երբեմն մեր առաջին արձագանքը բարկությունը որպես մեր ինքնապաշտպանական վահան օգտագործելն է, որպեսզի ավելի չվնասվենք։ Բայց Տեր Աստված Իր անսահման սիրով մեզ քաջալերում է, որ թողնենք այդ կեղծ ապահովությունը։ Նա արդար Աստված է, և Նա հոգում է մեզ համար այնպես, ինչպես ուրիշ ոչ ոք չի կարող դա անել։
Ներել՝ նշանակում է ազատ արձակել բանտարկյալին, իսկ հետո հասկանալ, որ ինքդ էիր բանտարկված բարկության կապանքներով։
Ե՛կ աղոթենք միասին․ «Եվ ների՛ր մեզ մեր պարտքերը, ինչպես մենք ենք ներում մեր պարտապաններին» (Մատթեոս 6․12)։
Առաջարկում եմ միասին աղոթել այս աղոթքով․ «Տե՛ր, շնորհակալ եմ Քո շնորհքի և Քո սիրո համար։ Շնորհակալ եմ Քո խրատների համար, որոնք չեն դատապարտում, այլ ինձ խրատելու և ուղղելու համար են։ Սովորեցրո՛ւ ինձ լիովին ապավինել Քեզ, ներել այնպես, ինչպես Դու ես ասել, որ ներենք։ Ես ուզում եմ ամեն օր Քո կամքը կատարել։ Խնդրում եմ, որ հեռացնես այն ամենն, ինչ խանգարում է ինձ ապրել լիակատար հաշտության և խաղաղության կյանքով։ Աղոթում եմ Տեր Հիսուս Քրիստոսի անունով։ Ամե՛ն»։
Առաջարկում եմ նաև լսել «Ի՞նչ է ներումը և ինչպես ներել»վերնագիրը կրող այս պատգամը՝
Հիշի՛ր, որ դու Աստծո հրաշքն ես, և Աստված սիրում է քեզ։
Շնորհակալ եմ, որ դու կա՛ս։
Հ.Գ. Ընթերցանության այս ծրագրի տեքստը վերցված է «Քո հրաշքն՝ ամեն օր» ուղերձներից, որոնց շնորհիվ ամեն օր Արման Մանուկյանը կիսվում է Աստծո Խոսքի շուրջ խրախուսական մտորումներով՝ ի քաջալերանք յուրաքանչյուրի, ով սիրում և անկեղծորեն հետևում է Տեր Հիսուսին։
Եվ թող ամեն օրվա Ձեր հրաշքն ու քաջալերանքն անպայմա՛ն հասնեն Ձեզ ու լուսավորեն Ձեր կյանքը
Այս Ծրագրի Մասին
Կա՞ քո կյանքում մի բան, որ եթե քեզ հնարավորություն տրվեր այն փոխելու դու կփոխեիր և այլ ընտրություն կկատարեիր։ Շատերի կյանքում եղել են դեպքեր, երբ ամենահարազատ մարդը դարձել է օտար, իսկ պատճառ՝ անհաշտությունը, իսկ միգուցե ...
More
Մենք ցանկանում ենք շնորհակալություն հայտնել Jesus.net-ին այս ծրագիրը տրամադրելու համար: Լրացուցիչ տեղեկությունների համար այցելեք՝ http://hisus.am/
