إنجيل يوحنا 6
6
يسوع يطعم الخمسة الآلاف
1و بعد كدا عبر يسوع بحيرة الجليل واللي هي بحيرة طبريا، 2وصارله أتباع كتيربعد ما شافوا كيف يشفي الناس المريضة. 3وطلع يسوع وتلاميذة على الجبل وجلسوا. 4وعيد الفصح اليهودي كان قَرَّبْ. 5طَالَعْ يسوع وشاف ناس كتيره جايين ناحيته، فقال لفيلُبُّس: «من فين نشتري خبز نديه لكل هادي الناس؟» 6وقال له هادا الكلام علشان يختبره، لأنو يسوع كان يعرف ايش راح يسوي. 7ورد عليه فيلُبُّس: حتى لو اشترينا خبز بميتين دينار، ما رح تكفي أنو الواحد ياخد قطعة صغيره. 8قاله اندراوس، أخو سمعان بطرس، وهو واحد من التلاميذ:
9«في هنا ولد معاه خمسه أرغفة من الشعير وسمكتين صغار بس ايش تسوي هادي لكل هادي الناس؟» 10قال يسوع: «جلسوهم!» وكان في عشب كتير جلس الرجال وكانوا تقريبا خمسه آلاف 11أخد يسوع أرغفة الخبز وشكر، بعدين وزع منها على الجالسين، على قد ما يبغوا. وزي كدا سوا بالسمكتين. 12ولما شبعوا، قال لتلاميذة: «لموا فتافيت الخبز اللي بقيت علشان ما يضيع منها شي!» 13ولموها ومللوا اتنعشر قفة من فتافيت الخبز اللي بقيت من اللي أكلوا من الخمسه أرغفة شعير. 14ولما شاف الناس اللي سواه يسوع قالوا: «اكيد هادا هو النبي الجاي للعالم». 15وعرف يسوع أنهم قربوا يخطفوه علشان يخلوه ملك، ورجع للجبل لوحدو.
المسيح يمشى على الماء
16ولما جا المسا نزل التلاميذ للبحيرة، 17وركبوا قارب وراحوا لكفرناحوم في الجهة التانية للبحيرة وصارت الدينا ضلام ويسوع ما كان لحقهم. 18وجت عاصفة قوية وصارت البحيرة كلها موج. 19وبعد ما جدف التلاميذ تقريبا ثلاثه أميال أو اربعه شافوا يسوع يقرب من القارب ماشي على موية البحيرة، وارتعبوا. 20بس هو شجعهم وقال: «أنا يسوع لا تخافوا!» 21وكانوا لسه راح يطلبوا منه إنو يركب القارب معاهم، بس ساعتها القارب وصل للمكان اللي يبغوه.
22وفي اليوم اللي بعده، الجموع اللي على الجهة التانية من البحيرة ما لقوا إلا قارب واحد. وكانوا يعرفو إنو يسوع ما ركب القارب مع تلاميذة أمس، بس التلاميذ وحدهم اللي ركبوا. 23بعدين جات قوارب كتيرة من طبريا، ورست قريب من المكان اللي أكلوا في الخبز وبعد ما شكر الرب عليه. 24لما الجموع ما لقوا يسوع ولا لقوا تلاميذه هناكا، ركبوا في القوارب وجو لكفر ناحوم يدوروا على يسوع.
يسوع عيش الحياة
25ولما لقيوه في الجهة التانية من البحيرة، قالولو: «يا استاذ ، متى وصلت لهنا؟» 26رد يسوع الحقيقة الحقيقة أقوللكم: انتوا تدورا ورايا مو لأنكم شوفتوا الآيات، بس لأنكم أكلتوا وشبعتوا من ارغفة الخبز هاديك . 27لا تمشوا ورا الطعام الفاني، امشوا ورا الطعام الباقي للحياة الأبدية. اللي يديكم هُوَّا ابن الإنسان، لأنو هادا الطعام ترا مختوم من الله الأب. 28وسالوه: «ايش نعمل علشان نسوي اللي يطلبه الله؟» 29جاوبهم يسوع:«العمل اللي يبغاه الله هو أنو تآمنوا باللي ارسله». 30قالولو: «وايش الآية اللي تسويها علشان نشوفها ونآمن بك؟ ايش تقدر تسوي؟ 31لأنو جدودنا أكلوا المن في البر زي ما جا في الكتاب: اداهم من السما عيش علشان ياكلوا!»
32رد عليهم يسوع: «الحقيقة الحقيقة اقوللكم: إنو موسى ما اداكم عيش من السما، ولكن أبويا هواللي اداكم عيش السما الحقيقي، 33عيش الله هو النازل من السما اللي يدي حياة للعالم». 34قالولو: يا سيد، «ادينا هادا الخبز في كل وقت». 35رد عليهم يسوع: «أنا هُوَ خُبْز الحياة. اللي ييجي لعندي ما يجوع، واللي يآمن فييا ما رح يعطش مرة. 36بس قلت لكم انكم شوفتوني وما آمنتم، 37وكل الي يعطيه الأب لي رح ييجيني، واللي يجيني ما أرده خايب ابدا . 38ونزلت من السما مو علشان اسوي اللي أبغاه ولكن علشان اسوي مشيئة اللي ارسلني 39ومشيئته هي انو لا أخلى احد من اللي وهب هم لي أنو يهلك، لكن أخلية يقوم في الآخره. 40إيوه مشيئة ابي أنو كل واحد يشوف الإبن ويآمن فيه تكون لو الحياة الأبدية، وأخلية يقوم في الأخره».
41وبدا اليهود يتذمروا من يسوع لأنو قال« أنا الخبز اللي نزل من السما». 42وقالوا: «مو هادا يسوع ابن يوسف، اللي نعرف إحنا أبوه وأمه، كيف يقول: أني نزلت من السما؟» 43رد عليهم يسوع: «لا تتذمروا بينكم! 44ما يقدرأحد انو ييجي لعندي إلا اذا جابه الأب اللي ارسلني. وأنا أخليه يقوم في الآخره. 45جا في كتب الأنبيا: رح يتعلم الكل من الله وكل واحد يسمع الأب ويتعلم منو رح يجي لعندي. 46ومو معنا كدا أنو في أحد شاف الأب: ما شافه إلا اللي كان مع الله. هو لحالو بس شاف الأب. 47الحقيقة الحقيقة أقولكم: اللي يآمن فييا يعيش للأبد 48أنا هوعيش الحياة 49جدودكم أكلوا المن في البر بعدين ماتوا. 50بس هنا الخبز النازل من السما علشان ياكل منه الانسان ولا يموت. 51أنا الخبز الحي اللي نزل من السما. اي واحد ياكل من الخبز هادا يعيش للأبد. الخبز اللي أقدمه هو جسمي، أقدموعلشان الناس تعيش».
52هادا الكلام سوا شوشره كبيره بين الهيود، وصاروا يتسألوا بينهم: كيف يقدر هادا أنو يدينا جسمة علشان ناكله. 53رد عليهم يسوع: «الحقيقة الحقيقة اقوللكم: اذا انتوا ما تاكلوا جسم ابن الانسان وتشربوا دمه بكدا مافي حياة لكم في داخلكم. 54مين ياكل من جسمي ويشرب من دمي، تصير حياته أبدية، وأنا اخلية يقوم في الآخرة. 55لأنو جسمي هو الطعام الحقيقي، ودمي هو الشراب الحقيقي. 56وكل واحد ياكل من جسمي ويشرب من دمي يصير يلصق فييا وأنا فيه. 57وزي ما أنا أعيش بألأب الحي اللي أرسلني، كمان يعيش فييا مين ياكلني. 58هادا هو الخبز اللي نزل من السما، وهو مو زي المن اللي أكله جدودكم وبعدين ماتوا. اللي ياكل هادا الخبز يعيش للأبد».
59هادا الكلام كله قاله يسوع في المجمع وهو يعلم في كفرناحوم.
التلاميذ يشتكوا
60ولما سمعه كتيرمن تلاميذة قالوا: هذا كلام صعب. مين اللي يتحمل يسمعه 61حس يسوع في نفسه إنو تلاميذه متذمرين: وقام سألهم: «هادا الكلام يخليكم تشكوا؟ 62كيف لو شفتوا ابن الإنسان طالع للمكان اللي كان فيه من قبل؟ 63الروح هي اللي تدي الحياة، أما الجسم ما يفيد بشي. هادا الكلام اللي كلمتكم به هو روح وحياة 64بس بعضكم ما يآمن!» لأنو يسوع كان من البداية يعرف مين هم اللي ما يآمنوا فيه ومين هو اللي رح يخونه. 65وبعدين قال:«علشان كدا قلتللكم: ما يقدر أي واحد منك أنو يجيني إلا اذا وهبلو الأب القدرة على كده».
66ومن داك الوقت كتار من أتباعه تركوه، وما رجعوا يلحقوه! 67وقال للاثناعشر تلميذ: «وإنتوا تبغوا تروحو ا زييهم.؟» 68رد عليه سمعان بطرس: «لمين نروح يا رب وأنت عندك كلام الحياة الأبدية 69إحنا آمنا وعرفنا أنك أنت قدوس الله» 70قال يسوع: «مو أنا اللي اخترتكم أنتوا الاثناعشر، بس في واحد فيكم شيطان؟» 71وأشر على يهوذا ابن سمعان الإسخريوطي، اللي سلمه بعدين مع أنو كان من الاثناعشر.
اکنون انتخاب شده:
إنجيل يوحنا 6: HNAV
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Hijazi New Arabic Version © 2024 Strategic Resource Group
