إنجيل يوحنا 5
5
مشلول انشفى عند البركه
1وبعد كدا راح يسوع للأوروشليم في واحد من الأعياد اليهوديه، 2وكان قريب من باب الغنم في أورشليم بركة اسمها بالعبراني بيت حسدا، حوليها خمسه قاعات. 3كان نايم فيها جماعة كبيرة من المرضى من العميان وعرج ومشلولين، ويستنوا الموية في البركة إنها تتحرك. 4لأنو يعتقدوا أنه كان في ملاك يجي احيانا للبركة ويحرك الموية فيها، واللي ينزل أول يطيب ايش ما كان مرضه.
5وكان في عند البركة مريض صارلوا تمانيه وتلاتين سنه، 6شافه يسوع يجلس هناكا وعرف أنو مرعليه وقت طويل وهو على هادي الحاله، وسأله: «تبغى تِشْفَى؟» 7رد عليه المريض: «يا سيد، مافي عندي واحد يرميني في البركه لما تتحرك المويه. وكل مره أحاول أنزل، واحد تاني ينزل قبلي دايما». 8قالوه يسوع: «قم شيل فراشك وامشي». 9وطوالي انشفى الرجال وشال فرشته ومشى. وكان كل دا في يوم سبت.
10قال اليهود للراجل اللي شفي: «اليوم سبت. ما يحقلك أنك تشيل فراشك!» 11رد عليهم: «اللي شفاني هو اللي قاللي: شيل فرشتك وامشي». 12وسألوه: «مين إللي قالك: شيل فرشتك وامشي». 13بس المريض اللي شفي ما كان يعرف إنه يسوع، لأنو يسوع راح وصار بعيد لأنو كان في المكان ناس.
14وبعدينه لقاه يسوع في الهيكل، وقاله: «هادا انت صرت سليم معافى لا ترجع تسوي الخطيئة مره تانية علشان ما ترجع حالتك أسوأ!» 15ولما عرف الرجال أنو يسوع هو اللي شفاه، راح بسرعة وقال لليهود عن اللي صار.
سلطان الابن
16وصار اليهود يضايقو يسوع لأنو كان يعمل العجايب هادي يوم السبت.
17بس يسوع قاللهم «لسه ابوية بيعمل لداحين وأنا أعمل كمانه!» 18علشان كدا صار اليهود يبغبوا يقتلوه، مو بس لأنو مخالف لسنة السبت، كمان علشان قال انو الله أبوه يعني يقارن نفسه بالله.
19قاللهم يسوع: «الحقيقة الحقيقة اقولكم إنو ابن الله ما يقدر يعمل شي من نفسه، هو يعمل اللي بيشوف الأب يعمله. كل شي يعمله الأب يعمله الإبن كمان. 20علشان الأب يحب الإبن، ويوريله كل اللي يعمله، ورح يوريلة كمان أعمال أعظم من كدا، ورح تتعجبوا 21وكيف الأب يخلي الموتى يقوموا ويحييهم، كمان الإبن يحيي اللي يبغاه 22والأب ما يحكم على أحد، لكنو اعطى الابن سلطة القضاء كلها. 23علشان كدا الكل لازم يكرموا زي ما يكرموا الأب. واي واحد ما يكرم الإبن بكدا يكون ما يكرم الأب اللي أرسلة.
24والحقيقة الحقيقة أقوللكم إنو اللي يسمع كلامي ويأمن باللي أرسلنى رح تكون لو الحياة الأبدية وما رح يتحاكم في الآخرة، لأنو يكون انتقل من الموت للحياه. 25الحقيقة الحقيقة أقولكم: انو الساعة اللي رح يسمع الأموات فيها صوت ابن الله جايه، الحقيقة هي خلاص جت داحين واللي يسمعوا صوته يحيوا. 26لأنو زي ما الأب عندده حياه في نفسه، كمان أعطى الإبن وصار عنده حياة في نفسه . 27واعطاه سلطة أنو يدين، لأنو أبن الإنسان. 28لا تستغربوا من هادا: رح تيجي ساعة كل واحد في القبور يسمع صوته. 29ويخرجوا منها. واللي أعمالهم كويسة وصالحة يخرجوا في القيامة اللي توديهم للحياة، واللي اعمالهم سيئة رايحين للقيامة اللي توديهم للحساب . 30أنا لا يمكن أني اسوي شي من نفسي، بس أنا أحكم حسب ما أسمع، وحكمي عادل، لأني ما ابغى أني احقق إرادتي اللي أبغاه تحقيق إرادة اللي أرسلني.
الأب يشهد للابن
31لو أنا كنت أشهد لنفسي، كدا تكون شهادتي مو صادقة. 32لكن غيري بيشهد لي، وأنا أعرف إنو شهادتة لي هي حق. 33وأنتوا ارسلتوا ناس ليوحنا وشهد للحق. 34وأنا أقول هادا مو لأني معتمد على شهادة إنسان، لكن علشان خلاصكم. 35لأنو يوحنا كان سراج متوهج ومنوَّر، وأنتوا تبغوا تستمتعوا بنوره شوية. 36بس أنا ليا شهادة أعظم من شهادة يوحنا، وهي شهادة الأعمال اللي يبغى مني الأب إني أخلصها وأسويها، هي تشهد لي وتبين أنو الأب أرسلنى. 37والأب اللي أرسلني هو كمان يشهد لي. وأنتوا ما تسمعوا صوته أبدا ولا شفتوا شكله. 38وما عشعشت كلمته في قلوبكم، والدليل انكم ما تصدقوا اللي ارسله. 39أنتوا تدرسوا الكتب لأنكم تعتقدوا أنها رح تهديكم للحياة الأبدية. هادي الكتب تشهد لي: 40بس انتوا ترفضوا تيجولعندي علشان تكون الحياة لكم.
41أنا ما أقبل المجد من الناس. 42بس أنا أعرفكم وأعرف أنو محبة الله مو في قلوبكم. 43أنا جيت بإسم أبويا وما قبلتوني، بس أنتوا ترحبو باللي يجي بإسم نفسه. 44كيف تآمنوا فييا وأنتوا تقبلوا المجد بس من واحد منكم للتاني، وما تسعوا لطلب المجد اللي ما يعطيه إلا الله!
45ولا تفكروا إني بشتكيكم الى الأب، لأنو في واحد يشتكيكم وهو موسى اللي علقتم عليه رجاءكم. 46لو كونتوا صدقتوا موسى كان صدقتوني، لأنو هو كتب عني. 47وإذا انتوا ما تصدقوا كلام موسى، كيف رح تصدقوني؟»
اکنون انتخاب شده:
إنجيل يوحنا 5: HNAV
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Hijazi New Arabic Version © 2024 Strategic Resource Group
