إنجيل يوحنا 7
7
يسوع يروح الى عيد المظال
1بعد كدا صار يسوع يتنقل في منطقة الجليل، ويتجنب أنو يتجول في منطقة اليهود، لأنو اليهود يبغوا يقتلوه.
2ولما قرب عيد المظال حق اليهود. 3قالوا لو اخوانه: سيبك من هادي المنطقة وروح لمنطقة اليهود علشان الأتباع حقونك يشوفوا الشي اللي تسويه. 4لأنو ما في أحد يسوي شي في الخفية اذا كان يبغى الشهرة. بما إنك تسوي هادي الحاجات، فلازم تكون باين للناس. 5علشان اخوانه ما كانوا يآمنوا فيه. 6ورد عليهم يسوع: ما جا وقتي لسه، لكن وقتكم مناسب كل الأوقات. 7العالم ما يقدر يكرهكم، لكن يكرهني أنا، علشان أن أشهد عليه إن الحاجات اللي يسويها هي حاجات شريرة. 8روحوا أنتوا لهادا العيد، أما أنا مو رايح دا حين للعيد لأنو وقتي لسه ما جا. 9قاللهم هادا الكلام وفضل جالس هناك في الجليل.
10وبعد ما راح اخوانه للعيد، راح هو كمان بس كان متخفي، مو باين. 11وصار الهيود يدورا عليه في العيد، ويسألوا: «فين الراجل دا؟» 12وصارت شوشره كبيره وكلام، وناس تقول أنوا راجل صالح وتانيين يقولوا لا مو صالح. وأنو يضلل الناس 13بس ما قدر أحد أنو يتكلم عنو بالعلن، لأنهم خايفيين من اليهود.
يسوع يعلم في العيد
14ولما مرالنُّصْ من وقت العيد، طلع يسوع على الهيكل وصار يعلم الناس. 15استعجب اليهود مره وسألوا بعضهم : كيف يعرف هادا الكتب وهو ما يتعلم. 16رد عليهم يسوع: تعليمي مو من عندي، تعليمي من عند اللي أرسلني. 17واللي يبغى أنو يسوي اللي يبغاه الله يقدريعرف اذا كان تعليمي من عند الله أو إني اتكلم كلام من عندي. 18اللي يتكلم من عنده يبغى المجد لنفسه؛ أما اللي يطلب المجد من اللي أرسله فهو صادق ولا إثم يقع عليه. 19مو موسى إداكم الشريعه؟ بس مافي واحد منكم يسوي بالشريعة! ليش تبغوا تقتلوني؟
20ردوا علية: فيك شيطان! مين اللي يبغى يقتلك؟ 21قال يسوع: سويت يوم السبت عمل واحد وانتوا تعجبتوا كلكم. 22موسى وصاكم بالختان، بس هادا لا يعني انو الخنتن يرجع لموسى، الختان يرجع للجدود علشان كدا يختنوا الأولاد حتى لو كان يوم السبت 23اذا انتوا تختنوا الأولاد يوم السبت علشان ما تخالفوا شريعة موسى، فليش تزعلوا منى لأني شفيت انسان كله في يوم السبت؟ 24فلا تحكموا زي ما هو باين، لكن احكموا بالعدل.
اختلفوا على مين هوه يسوع
25ساعتها قال ناس من أهل اروشليم: مو هادا اللي يبغوا يقتلوه؟ 26هادا هو يتكلم بالعلن وما في أحد يتعرض لو بشي يا ترى، طيب همه رؤسائنا تأكدوا انو هو دا المسيح بجد؟ 27المسيح لما ييجي ما في أحد يعرف من فين جا، أما هادا نعرف اصله وفصله.
28رفع يسوع صوته، لما كان يعلم في الهيكل، وقال: انتوا تعرفوني وتعرفو من فين أنا! أنا ما جيت من نفسي، لكن اللي أرسلنى حق وانتوا تعرفوه. 29وأنا أعرفة، لأنى منو وهو اللي أرسلني. 30حاول اليهود يقبضوا عليه، بس ما في واحد قدر يمسكه مره، لأنو ساعته ما جت لسه 31بس في كتارمن الحضور آمنوا فيه، وقالوا: يا ليت المسيح لما ييجي يسوي معجزات أكتر من هادي اللي سواها هادا الراجل.
32وسمع الفريسيون ايش اللي الحضور يقولوا بينهم عنو، وأرسلوا همه وكبار الكهان شوية حراس علشان يلقوا القبض عليه . 33قاللهم يسوع: أنا جالس عندكم شوية، بعدين رح أرجع عند اللي أرسلني. 34وقتها تدورا عليه وما حتلاقوني، ولا تقدروا تروحو للمكان اللي رح أكون فيه 35وصار اليهود ييتسألوا يينهم: فين يبغى يروح علشان ما نلاقيه؟ يمكن يروح للمدن اليونانية اللي تشتت فيها اليهود ويعلم اليونانيين؟ 36وايش قصده لما يقول: تدورا عليه وما حتلاقوني، ولا تقدرا تروحوا للمكان اللي رح أكون فيه؟
اذا عطش أحد يجيني
37وفي آخر يوم في العيد: وهو أعظم يوم، وقف يسوع وقال بصوت عالي: اذا عطش أحد يجيني ويشرب. 38وزي ما قال الكتاب، اللي يآمن فييا حتخرج منه أنهار من المويه الحية 39قال يسوع هادا عن الروح القدس اللي كان المؤمنين فيه رح يقبلوه بس الروح ما كان انعطى لسه لأنو يسوع لسه ماقد أتمجد.
40ولما سمع الحاضرين هادا الكلام، ناس منهم قالوا: « هذا اذا هو النبي بجد». 41وناس تانيين قالوا: «هادا هو المسيح». لكن ناس تانيين قالوا: «وهو المسيح بيطلع من الجليل؟ 42مو الكتاب يقول أنو المسيح حييجي من نسل داوود، من قرية بيت لحم اللي في فيها جدودنا؟» 43و كدا صار بسببه انقسام في الرأي بين الناس المجتمعين. 44وصار بعضهم يبغوا يلقوا القبض عليه، بس ما قدر أحد يقبض عليه.
قادة اليهود ما آمنوا
45ورجع حراس الهيكل للفرسيين ولرؤسا الكهان، وسألوهم: «ليش ما جابوه ؟» 46ردوا: ما سمعنا انسان يتكلم زي كلامه مره 47ردوا وهم غضبانين: «وأنتوا ضليتوا كمان؟ 48شفتم أحد من الرؤسا أو من الفرسيين آمنوا به ؟ 49أما عامة الناس اللي يجهلوا الشريعة، اللعنه عليهمْ!»
50بس واحد مهنم، وهو نيقوديموس اللي جا ليسوع بالليل. 51قللهم: «شريعتنا تسمح أنو نحكم على أحد من غير ما نسمع دفاعه أول شي علشان نعرف رأية؟» 52ردوا: «يمكن أنت كمان من الجليل؟ اقرا الكتب وتعرف أنو ما في نبي يطلع من الجليل مره!»
53بعدين راح كل واحد لبيته.
اکنون انتخاب شده:
إنجيل يوحنا 7: HNAV
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Hijazi New Arabic Version © 2024 Strategic Resource Group
