ຮາບາກຸກ ຄຳນຳ
ຄຳນຳ
ຂະນະທີ່ໃກ້ເວລາປ່ຽນຜ່ານຈາກອານາຈັກອັດຊີເຣຍໄປສູ່ອານາຈັກບາບີໂລນ (ທ້າຍສັດຕະວັດທີ 7 ກ່ອນ ຄສ.) ຜູ້ທຳນວາຍຮາບາກຸກໄດ້ສົນທະນາຢ່າງເລິກເຊິ່ງກັບພຣະເຈົ້າແຫ່ງອິດສະຣາເອນ. ຮູບແບບຂອງໜັງສືຮາບາກຸກເປັນຄຳຮ້ອງທຸກ ຫລື ຮ້ອງໄຫ້ສັ້ນໆ ຕາມດ້ວຍຄຳຕອບຂອງພຣະເຈົ້າ. ໃນທີ່ສຸດເມື່ອສຽງຮ້ອງຂອງເພິ່ນໄດ້ຮັບຄຳຕອບ, ຮາບາກຸກຈຶ່ງຈົບດ້ວຍເພງສັນລະເສີນແຫ່ງຄວາມໝັ້ນໃຈໃນໄຊຊະນະຂອງພຣະເຈົ້າ.
ຜູ້ທຳນວາຍເລີ່ມດ້ວຍການຖາມວ່າພຣະເຈົ້າຈະຍອມໃຫ້ຄວາມຊົ່ວຮ້າຍມີໄຊຊະນະໄປອີກດົນປານໃດ. ຄຳຕອບຂອງພຣະເຈົ້າຄືພຣະອົງກຳລັງຍົກຊາວບາບີໂລນຂຶ້ນເປັນເຄື່ອງມືໃນການແກ້ໄຂຂອງພຣະອົງ. ສິ່ງນີ້ນຳໄປສູ່ຄຳຖາມທີສອງຂອງຮາບາກຸກຄືດ້ວຍເຫດໃດພຣະເຈົ້າຈຶ່ງຍອມໃຫ້ຄົນຊົ່ວກືນກິນຄົນຊອບທຳ? ພຣະເຈົ້າຕອບອີກຄັ້ງ ໂດຍອະທິບາຍວ່າຊາວບາບີໂລນຈະຖືກພິພາກສາຄືກັນກັບຊາວອັດຊີເຣຍ ແລະ ຄົນຊອບທຳຈະຕ້ອງຄອຍຖ້າດ້ວຍຄວາມເຊື່ອ ແລະ ຄວາມອົດທົນ. ພຣະເຈົ້າຢ້ຳວ່າເມື່ອພຣະອົງປະກາດວິບັດຫ້າປະການຕໍ່ບາບີໂລນ ຄວາມຈິບຫາຍກໍເກີດຂຶ້ນຢ່າງແນ່ນອນ.
ເມື່ອການສົນທະນາຂອງຮາບາກຸກກັບພຣະເຈົ້າສິ້ນສຸດລົງ, ໜັງສືກໍນຳສະເໜີສ່ວນທີ່ຮ້ອງວ່າ “ຄຳອະທິຖານຂອງຮາບາກຸກ”. ແຕ່ເນື້ອເພງສະແດງເຈດຕະນາໃນການຮ້ອງຢ່າງຊັດເຈນ. ຮາບາກຸກໄດ້ສະເຫລີມສະຫລອງການຊ່ວຍເຫລືອອັນໜ້າອັດສະຈັນຂອງພຣະເຈົ້າຕໍ່ອິດສະຣາເອນໃນອະດີດ ແລະ ອະທິຖານຂໍໃຫ້ພຣະເຈົ້າເຮັດຢ່າງນີ້ອີກຄັ້ງ. ໃນລະຫວ່າງນີ້ຜູ້ທຳນວາຍຮາບາກຸກກໍເຝົ້າຄອຍຖ້າການມາຂອງພຣະເຈົ້າຢ່າງອົດທົນ.
اکنون انتخاب شده:
ຮາບາກຸກ ຄຳນຳ: LCV
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Holy Bible, Lao Contemporary Version™| © 2023, 2025 by Biblica, Inc.|
Used with permission. All rights reserved worldwide.© 2023, 2025 by Biblica, Inc.