ອາໂມດ ຄຳນຳ
ຄຳນຳ
ອານາຈັກອິດສະຣາເອນພາກເໜືອມີຄວາມຍິ່ງໃຫຍ່ເຖິງຈຸດສູງສຸດໃນຊ່ວງເຄິ່ງທຳອິດຂອງສັດຕະວັດທີ 8 ກ່ອນ ຄສ. (2ກສ 14:23-25) ຄື 41 ປີແຫ່ງການຄອງລາດຂອງກະສັດເຢໂຣໂບອາມທີ 2 ຜູ້ມີອຳນາດອິດສະຣາເອນມີຄວາມໝັ້ນໃຈໃນໄຊຊະນະ, ການນະມັດສະການ ແລະ ມໍລະດົກຂອງຕົນ. ພວກເຂົາຈຶ່ງໃຊ້ຄຳຂວັນວ່າ “ພຣະເຈົ້າສະຖິດກັບພວກເຮົາ” ແລະ ຄອຍຖ້າວັນຂອງພຣະເຈົ້າຢາເວທີ່ພຣະເຈົ້າຈະໂຈມຕີສັດຕູທັງໝົດ ແລະ ສະຖາປານາອິດສະຣາເອນເປັນຜູ້ປົກຄອງພູມີພາກ.
ໃນບັນຍາກາດຂອງລັດທິຊາດນິຍົມທີ່ໝັ້ນໃຈຕົນເອງຫລາຍເກີນໄປນີ້, ອາໂມດຜູ້ລ້ຽງແກະຈາກອານາຈັກທາງພາກໃຕ້ຂອງຢູດາໄດ້ກ້າວເຂົ້າມາ, ເພິ່ນໄດ້ຍືນໃນວິຫານອັນຍິ່ງໃຫຍ່ຢູ່ທີ່ເບັດເອນ ແລະ ປະກາດວ່າພຣະເຈົ້າກຳລັງປຸກລະດົມຊົນຊາດທັງຫລາຍໃຫ້ເອົາຊະນະອິດສະຣາເອນ. ເພິ່ນຢືນການວ່າວັນແຫ່ງພຣະເຈົ້າຢາເວຈະເປັນຄວາມມືດມິດ ບໍ່ແມ່ນຄວາມສະຫວ່າງ ພຣະເຈົ້າບໍ່ໄດ້ປະທັບໃຈໃນຄວາມຮັ່ງມີ, ອຳນາດທາງການທະຫານ ຫລື ການເຮັດຕາມໃຈຕົນເອງຂອງອິດສະຣາເອນ. ພຣະເຈົ້າກຳລັງແນມຫາຄວາມຍຸຕິທຳ ໃນຂະນະທີ່ຄົນຮັ່ງມີ ແລະ ມີອຳນາດກຳລັງເອົາປຽບຄົນທຸກ. ພຣະເຈົ້າຮຽກຮ້ອງອິດສະຣາເອນໃຫ້ກັບໃຈ ເຊິ່ງເປັນວິທີດຽວທີ່ຈະບໍ່ຖືກທຳລາຍ.
ຂໍ້ຄວາມດັ່ງກ່າວໄດ້ເຮັດໃຫ້ເກີດຄວາມວຸ້ນວາຍ. ອາມາຊີຢາ ມະຫາປະໂລຫິດແຫ່ງເບັດເອນກ່າວຫາອາໂມດວ່າທໍລະຍົດ. ອາໂມດໄດ້ຖືກເນລະເທດອອກຈາກອານາຈັກ, ແຕ່ຄຳທຳນວາຍຂອງເພິ່ນໄດ້ຮັບການບັນທຶກໄວ້. ເກີດເປັນຄຳທຳນວາຍທີ່ເກົ່າແກ່ທີ່ສຸດຊຸດໜຶ່ງຂອງຜູ້ທຳນວາຍພຣະຄຳພີເຮັບເຣີ. ໜັງສືອາໂມດປະກອບດ້ວຍຄຳທຳນວາຍປະມານ 36 ຂໍ້ຄວາມ ແລະ ເລື່ອງລາວການເນລະເທດອາໂມດ. ເນື້ອຫາສ່ວນໃຫຍ່ໃນເຫລັ້ມນີ້ຮວບຮວມຂຶ້ນຢ່າງຫລວມໆ ແຕ່ສື່ສານຂໍ້ຄວາມໜຶ່ງທີ່ໜັກແໜ້ນສະໝ່ຳສະເໝີນັ້ນຄື “ຈົ່ງໃຫ້ຄວາມຍຸຕິທຳດຳເນີນຕໍ່ໄປເໝືອນແມ່ນ້ຳ ໃຫ້ຄວາມຊອບທຳເໝືອນສາຍນ້ຳທີ່ບໍ່ມີວັນສິ້ນສຸດ”.
اکنون انتخاب شده:
ອາໂມດ ຄຳນຳ: LCV
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Holy Bible, Lao Contemporary Version™| © 2023, 2025 by Biblica, Inc.|
Used with permission. All rights reserved worldwide.© 2023, 2025 by Biblica, Inc.