ອາໂມດ 1
1
1ຖ້ອຍຄຳຂອງອາໂມດ ຄົນລ້ຽງແກະຄົນໜຶ່ງໃນເຕກົວ ສິ່ງທີ່ອາໂມດໄດ້ເຫັນກ່ຽວກັບອິດສະຣາເອນສອງປີ ກ່ອນທີ່ຈະເກີດແຜ່ນດິນໄຫວ, ເມື່ອເວລາທີ່ອຸດຊີຢາເປັນກະສັດແຫ່ງຢູດາຍ ແລະ ເຢໂຣໂບອາມ ລູກຊາຍຂອງເຢໂຮອາດ#1:1 ພາສາເຮັບເຣີວ່າ ໂຢອາດ ເປັນອີກຮູບໜຶ່ງຂອງ ເຢໂຮອາດ ເປັນກະສັດແຫ່ງອິດສະຣາເອນ.
2ອາໂມດໄດ້ກ່າວວ່າ:
“ພຣະເຈົ້າຢາເວເປັ່ງສຽງກ້ອງຈາກຊີໂອນ
ເປັ່ງສຽງຈາກເຢຣູຊາເລັມ
ແລ້ວທົ່ງຫຍ້າຂອງຄົນລ້ຽງແກະກໍຫ່ຽວແຫ້ງ#1:2 ຫລື ທົ່ງຫຍ້າຂອງຄົນລ້ຽງແກະຄ່ຳຄວນໄວ້ອາໄລ
ແລະ ຈອມພູກາເມນກໍຫ່ຽວແຫ້ງໄປ”
ຄຳພິພາກສາບັນດາເພື່ອນບ້ານຂອງອິດສະຣາເອນ
3ພຣະເຈົ້າຢາເວກ່າວດັ່ງນີ້ວ່າ:
“ເນື່ອງຈາກດາມັສກັດໄດ້ເຮັດບາບຊ້ຳແລ້ວຊ້ຳອີກສາມສີ່ຄັ້ງ,
ເຮົາຈຶ່ງບໍ່ຍົກເລີກການລົງໂທດ.
ເພາະມັນໄດ້ນວດຊາວກີເລອາດ
ດ້ວຍແປ້ນນວດເຂົ້າ ເຊິ່ງມີແຂ້ວເປັນເຫລັກ,
4ເຮົາຈະສົ່ງໄຟມາທີ່ເຮືອນຂອງກະສັດຮາຊາເອນ
ເຊິ່ງຈະເຜົາຜານປ້ອມປ້ອງກັນທັງຫລາຍຂອງກະສັດເບັນຮາດາດ.
5ເຮົາຈະພັງປະຕູເມືອງດາມັສກັດ;
ເຮົາຈະທຳລາຍກະສັດທີ່ຢູ່ໃນ#1:5 ຫລື ຜູ້ທີ່ອາໄສຢູ່ໃນຮ່ອມພູອາເວນ#1:5 ແປວ່າ ຄວາມຊົ່ວຮ້າຍ
ແລະ ທຳລາຍຜູ້ຖືໄມ້ຄາທາໃນເບັດເຮເດນ
ຊາວຊີເຣຍຈະຖືກກວາດຕ້ອນໄປເປັນຊະເລີຍຢູ່ທີ່ເມືອງກີຣະ”,
ພຣະເຈົ້າຢາເວກ່າວດັ່ງນັ້ນ.
6ພຣະເຈົ້າຢາເວກ່າວດັ່ງນີ້ວ່າ:
“ເນື່ອງຈາກກາຊາເຮັດບາບຊ້ຳແລ້ວຊ້ຳອີກສາມສີ່ຄັ້ງ
ເຮົາຈຶ່ງບໍ່ຍົກເລີກການລົງໂທດ.
ເພາະມັນໄດ້ກວາດຕ້ອນຄົນທັງຊຸມຊົນໄປເປັນຊະເລີຍ
ແລະ ຂາຍໃຫ້ແກ່ຊາວເອໂດມ,
7ເຮົາຈະສົ່ງໄຟມາທີ່ກຳແພງເມືອງກາຊາ
ເຊິ່ງຈະເຜົາຜານປ້ອມປ້ອງກັນທັງຫລາຍຂອງມັນ.
8ເຮົາຈະທຳລາຍກະສັດແຫ່ງ#1:8 ຫລື ຜູ້ທີ່ອາໄສຢູ່ໃນອາຊະໂດດ
ແລະ ທຳລາຍຜູ້ຖືໄມ້ຄາທາໃນອາຊະເກໂລນ.
ເຮົາຈະລົງໂທດຊາວເມືອງເອັກໂຣນ,
ຈົນກວ່າຄົນຟີລິດສະຕິນຄົນສຸດທ້າຍຈະຕາຍໄປ”,
ພຣະເຈົ້າຢາເວ ອົງເຈົ້ານາຍກ່າວດັ່ງນັ້ນ.
9ພຣະເຈົ້າຢາເວກ່າວດັ່ງນີ້ວ່າ:
“ເນື່ອງຈາກຕີເຣເຮັດບາບຊ້ຳແລ້ວຊ້ຳອີກສາມສີ່ຄັ້ງ
ເຮົາຈຶ່ງບໍ່ຍົກເລີກການລົງໂທດ.
ເພາະມັນໄດ້ຂາຍຊະເລີຍທັງຊຸມຊົນໃຫ້ແກ່ເອໂດມ,
ບໍ່ຄຳນຶງເຖິງສັນຍາມິດຕະພາບລະຫວ່າງພີ່ນ້ອງ,
10ເຮົາຈະສົ່ງໄຟມາທີ່ກຳແພງເມືອງຕີເຣ
ເຊິ່ງຈະເຜົາຜານປ້ອມປ້ອງກັນທັງຫລາຍຂອງມັນ”.
11ພຣະເຈົ້າຢາເວກ່າວດັ່ງນີ້ວ່າ:
“ເນື່ອງຈາກເອໂດມໄດ້ເຮັດບາບຊ້ຳແລ້ວຊ້ຳອີກສາມສີ່ຄັ້ງ
ເຮົາຈຶ່ງບໍ່ຍົກເລີກການລົງໂທດ.
ເພາະມັນຖືດາບຕາມລ່ານ້ອງຊາຍຂອງຕົນ
ແລະ ຂ້າແມ່ຍິງຂອງດິນແດນ,
ເພາະຄວາມໃຈຮ້າຍຂອງມັນລຸກຢູ່ຕະຫລອດເວລາ
ແລະ ຄວາມຄຽດແຄ້ນຂອງມັນກໍລຸກຢູ່ບໍ່ຢຸດ,
12ເຮົາຈະສົ່ງໄຟມາທີ່ເຕມານ
ເຊິ່ງຈະເຜົາຜານປ້ອມປ້ອງກັນທັງຫລາຍຂອງໂບຊະຣາ”.
13ພຣະເຈົ້າຢາເວກ່າວດັ່ງນີ້ວ່າ:
“ເນື່ອງຈາກອຳໂມນໄດ້ເຮັດບາບຊ້ຳແລ້ວຊ້ຳອີກສາມສີ່ຄັ້ງ
ເຮົາຈຶ່ງບໍ່ຍົກເລີກການລົງໂທດ.
ເພາະມັນໄດ້ຜ່າທ້ອງແມ່ຍິງຖືພາໃນກີເລອາດ
ເພື່ອຂະຫຍາຍເຂດແດນຂອງຕົນ,
14ເຮົາຈະສົ່ງໄຟມາທີ່ກຳແພງເມືອງຣັບບາ
ເຊິ່ງຈະເຜົາຜານປ້ອມປ້ອງກັນທັງຫລາຍຂອງມັນ
ທ່າມກາງສຽງໂຫ່ຮ້ອງໃນວັນສົງຄາມ,
ທ່າມກາງສາຍລົມປັ່ນປ່ວນໃນວັນທີ່ມີພະຍຸ.
15ກະສັດ#1:15 ຫລື ໂມເລັກຂອງອຳໂມນ ແລະ ບັນດາຂ້າລາຊະການ
ຈະຕົກເປັນຊະເລີຍ”,
ພຣະເຈົ້າຢາເວກ່າວດັ່ງນັ້ນ.
اکنون انتخاب شده:
ອາໂມດ 1: LCV
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Holy Bible, Lao Contemporary Version™| © 2023, 2025 by Biblica, Inc.|
Used with permission. All rights reserved worldwide.© 2023, 2025 by Biblica, Inc.