Lefiticus 2
2
1 Y bwyd‐offrwm tanllyd gydag olew ac arogl‐darth; 4 naill ai wedi ei bobi mewn ffwrn, 5 ai ar radell, 7 ai mewn padell ffrio: 12 neu o’r blaenffrwyth yn y dywysen. 13 Halen y bwyd‐offrwm.
1Pan offrymo dyn #Pen 6:14; 9:17; Num 15:4fwyd‐offrwm i’r Arglwydd, bydded ei offrwm ef o beilliaid; a thywallted olew arno, a rhodded thus arno. 2A dyged ef at feibion Aaron, yr offeiriaid: a chymered efe oddi yno lonaid ei law o’i beilliaid, ac o’i olew, ynghyd â’i holl thus; a llosged yr offeiriad ei goffadwriaeth ar yr allor, yn offrwm tanllyd o arogl peraidd i’r Arglwydd. 3A bydded #Pen 7:6; 10:12gweddill y bwyd‐offrwm i Aaron ac i’w feibion: #Num 18:9sancteiddbeth o danllyd offrymau yr Arglwydd ydyw.
4Hefyd pan offrymech fwyd‐offrwm, wedi ei bobi mewn ffwrn, teisen beilliaid groyw, wedi ei chymysgu trwy olew, neu afrllad croyw wedi eu heneinio ag olew, a fydd.
5Ond os bwyd‐offrwm ar radell fydd dy offrwm di, bydded o beilliaid wedi ei gymysgu yn groyw trwy olew. 6Tor ef yn ddarnau, a thywallt arno olew; bwyd‐offrwm yw.
7Ac os bwyd‐offrwm padell fydd dy offrwm, gwneler o beilliaid trwy olew. 8A dwg i’r Arglwydd y bwyd‐offrwm, yr hwn a wneir o’r rhai hyn: ac wedi y dyger at yr offeiriad, dyged yntau ef at yr allor. 9A choded yr offeiriad ei #ad. 2goffadwriaeth o’r bwyd‐offrwm, a llosged ef ar yr allor; #Exod 29:18yn offrwm tanllyd, o arogl peraidd i’r Arglwydd. 10A bydded i Aaron ac i’w feibion weddill y bwyd‐offrwm: sancteiddbeth o danllyd offrymau yr Arglwydd ydyw. 11Na wneler #Edrych Mat 16:12; Marc 8:15; Luc 12:1; 1 Cor 5:8; Gal 5:9yn lefeinllyd ddim bwyd‐offrwm a offrymoch i’r Arglwydd; canys dim surdoes, na mêl, ni losgwch yn offrwm tanllyd i’r Arglwydd.
12Offrymwch i’r Arglwydd offrwm y blaenffrwyth; ond na #2:12 Heb. ddyrchafer.losger hwynt ar yr allor yn arogl peraidd. 13#Marc 9:49Dy holl fwyd‐offrwm hefyd a hellti di â halen; ac na phalled halen cyfamod dy Dduw o fod ar dy fwyd‐offrwm: offryma halen ar bob offrwm i ti. 14Ac os offrymi i’r Arglwydd fwyd‐offrwm y ffrwythau cyntaf; tywysennau irion wedi eu crasu wrth y tân, sef ŷd a gurir allan o’r dywysen lawn, a offrymi di yn fwyd‐offrwm dy ffrwythau cyntaf. 15A dod olew arno, a gosod thus arno: bwyd‐offrwm yw. 16A llosged yr offeiriad ei goffadwriaeth ef o’i ŷd wedi ei guro allan, ac o’i olew, ynghyd â’i holl thus: offrwm tanllyd i’r Arglwydd yw.
اکنون انتخاب شده:
Lefiticus 2: BWM1955C
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Adolygiad Parry/Davies o Feibl William Morgan gyda chroesgyfeiriadau © 1955 Cymdeithas y Beibl Prydeinig a Thramor
The Parry/Davies revision of the William Morgan Bible with cross-references © 1955 British and Foreign Bible Society